YOSUA 2:12 - KITTA' MATANGKASA'

^12-13 Kuminasai kiero' assumpa lanri arenNa angkanaya lakigau' bajiki kaluargaku sangkamma apa le'baka kugaukang mae ri katte. A'janji maki' angkanaya tena nalakibuno anrong manggeku, sikamma sari'battangku siagang sikamma kaluargana ke'nanga, passangalinna lakila'langngi. Siagang sarema' se're pammatei ri ma'nassana angkanaya akkulle ngasengki' nipatappa'!”

YOSUA 2:12 Referans Kwoze

YOSUA 2:18

Mingka ia anne musti nugaukang. Punna battu sallang ikambe ambunduki pa'rasangannu, parallui anne otere' ejaya nupasikko' ri anne jandelaya, tampa'nu ampanaungi kambe. Anrong manggenu, sikamma sari'battannu, sikontu bija pammanakanna manggenu, parallui nupasse're anrinni ri balla'nu.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

1 TIMOTIUS 5:8

Mingka punna nia' tau tena naparakai bija pammanakanna, la'biangampa nabone balla'na tonja, anjo tau kammaya nasassalimi katappakkanna; anjo tau kammaya la'bi kodiangammi natau tenaya natappa'.

ROMA 1:31

taerokai ke'nanga ampahangi tau maraenga; tajarrekai ke'nanga ri janjinna siagang sanna' palla'na.

MARKUS 14:44

Le'ba'mi nasare pammatei Yudas anjo taua angkana, “Inai-nai kubau, iaminjo taunNa. Jakkala'mi nanuerang siagang nanujagai baji'.”

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

ESTER 8:6

Antekamma lakkulle naparrangngi atanta anciniki bansana siagang bija pammanakanna niputta?”

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

1 SAMUEL 30:15

Nampa akkuta'nang Daud ri ia angkana, “Ero' jako angngantarakka' mange ri tampa'na anjo garombolanga?” Appialimi nakana, “Ero'ja', assala' a'janjiki' mae ri nakke lanri arenNa Allata'ala, angkanaya tena nalakibunoa' yareka kipassareanga' mae ri pinggawaku.”

YOSUA 9:15

Appare'mi Yosua parjanjiang passari'battangang siagang anjo tu Gibeon, siagang a'janjimi angkanaya tena nalanabuno ke'nanga. Kammayatompa sikamma pamimpinna umma' Israel, assumpa tommi angkanaya lanarupai anjo parjanjianga.

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

PA'JARIANG 24:9

Le'baki anjo napadongko'mi limanna anjo surona ri alla' bongganna Abraham karaenna, nampa assumpa untu' langgaukangi anjo pappala'na Abraham.

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 21:23

Lanri kammana, assumpamako anrinni ri dallekanNa Allata'ala, angkanaya tena nulakodi ateka' mae ri nakke, kammayatompa mae ri ana'-anakku, yareka ri turungangku. Sangkamma inakke bajiki pa'maikku mae ri kau, kamma tomminjo kupalaki nukamma todong anjo mae ri nakke siagang mae ri anne pa'rasangang nupammantangngia.”

PA'JARIANG 40:14

Mingka u'rangia' punna baji'-baji' mako. Tulunga' nanupabattu kara-karaku mae ri karaenga sollanna nalappassanga' battu ri anne tarungkua.

YOSUA 2:19

Punna nia' kalase'renna ke'nanga assulu' battu ri anne ballaka nampa mate nibuno, lanri kasalanna tonji antu namate; ta'lappasaki ikambe battu ri kasalanga. Mingka punna nia' tau anggappa bala lalang ri anne ballaka, ikambe pata sala.

YOSUA 6:22

Nakanamo Yosua mae ri anjo ruaya tau le'baka a'jari mata-mata, “A'lampako mange ri balla'na anjo baine pagau' bawanga, siagang erangi assulu' siagang ngaseng kaluargana sangkamma le'baka nupa'janjiang mae ri ia.”

HAKING-HAKING 1:24

sibuntuluki ke'nanga siagang sitau bura'ne battua ri anjo kotaya. Nakanamo ke'nanga ri anjo taua, “Punna erokko antulungi ikambe ampantamai anjo kotaya, lakigau' bajikko sallang.”