YOSUA 19:50 - KITTA' MATANGKASA'

⁵⁰ Kamma le'baka Naparentakang Batara, napassareangi ke'nanga mae ri ia kota napalaka, iamintu: Timnat-Serah ri pa'monconganna Efraim. Nabangummi Yosua ammotere' anjo kotaya, nampa ammantang anjoreng.

YOSUA 19:50 Referans Kwoze

YOSUA 24:30

Nitarawangi ri butta kalenna ri Timnat-Serah, ri pa'moncongang Efraim, warakkanna Moncong Gaas.

HAKING-HAKING 2:9

Anjorengi ri tampa' kalenna nitarawang. Iamintu ri Timnat-Serah, ri daera monconna Efraim, warakkanna Moncong Gaas.

1 PATTOTTORANG 7:24

Efraim nia' ana'na baine niareng Seera. Iami ambangungi kota-kota Bet-Horon Rawaya siagang Bet-Horon Ratea, kammayatompa kota Uza siagang Seera.

YOSUA 19:49

Le'baki nabage-bage umma' Israel butta niaka ri anjo pa'rasanganga, nasare tommi ke'nanga Yosua ana'na Nun sipa'gang butta untu' a'jari pisakana.

1 KARAENG-KARAENG 4:8

Anjo sampuloa anrua nipimpingi ri sitau Guburnur. Iaminne massing arenna anjo bupatia siagang daera kakoasanna ke'nanga: Ben-Hur: Daera monconna Efraim Ben-Deker: Kota Makas, Saalbim, Bet-Semes, Elon, Bet-Hanan Ben-Hesed: Kota Arubot, Sokho, siagang sikontu daera Hefer Ben-Abinadab, bura'nenna Tafat ana' bainena Salomo: Sikontu daera Dor Baana ana'na Ahilud: Kota Taanakh, Megido, siagang sikontu daera ri ampi'na Bet-Sean, ri ampi'na kota Sartan ri bageang timboranna kota Yizreel sa'genna kota Abel-Mehola siagang kota Yokmeam. Ben-Geber: Kota Ramot ri Gilead, kampong-kamponna bijanna Yair turunganna Manasye ri Gilead, daera Argob ri Basan; yangasenna nia' annampulo kota lompo, ia nipakajarreka siagang tembo' akkuliling siagang ammakea panjoli-panjoli tambaga ri pakke'bu' lompona Ahinadab ana'na Ido: Daera Mahanaim Ahimaas, bura'nenna Basmat ana' bainena Salomo: Daera Naftali Baana ana'na Husai: Daera Asyer, kota Alot Yosafat ana'na Paruah: Daera Isakhar Simei ana'na Ela: Daera Benyamin Geber ana'na Uri: Daera Gilead, ia nikoasaia riolo ri Sihon karaeng Amori, siagang Og karaeng Basan.