YOSUA 19:32 - KITTA' MATANGKASA'

³² Pambageang makaannanga iamintu butta pambageanna kaluarga-kaluarga niaka lalang ri suku Naftali.

YOSUA 19:32 Referans Kwoze

YOSUA 19:31

Anjo kota-kotaya siagang desa-desaya niaki lalang ri daera nipassareanga mae kaluarga-kaluarga niaka lalang ri suku Asyer untu' a'jari butta pisakana ke'nanga.

YOSUA 19:33

Pa'baeng-baenna buttana ke'nanga appakkaramulai battu ri Helef, sa'genna mange ri poko' eke' ri Zaananim, tulusu' mange ri Adami-Nekeb, nampa mange ri Yabneel, sa'genna mange ri Lakum, nampa kala'busang ri Binanga Yordan.

PA'JARIANG 35:25

Ana'-ana' battua ri Bilha, surona Rahel, iamintu Dan siagang Naftali.

PA'JARIANG 49:21

Naftali, sanrapang jonga lappasa', ga'ga sikalia ana'-ana'na.

PAOLE 33:23

Ri sesena suku Naftali nakana: “Naftali nipilumpai barakka' pangngamaseang ri Batara; daerana battu ri Tamparang Galilea sa'genna timboro'.”

HAKING-HAKING 1:33

Tu niaka ammantang ri kota Bet-Semes siagang Bet-Anat, tena todong nanibongkai ri suku Naftali. Iaminjo saba'na natuli ammantangija tu Kanaan, iamintu tau appokoka anjoreng ri pa'rasangangnga, sipammantangang siagang tu Naftalia. Mingka nipassai ke'nanga ampanjama-jamaangi tu Naftalia.

HAKING-HAKING 4:6

Ri se'reang allo, nasuro kio'mi tu niarenga Barak, ana'naya Abinoam, battua ri kota Kedes, ri daera Naftali. Nampa nakanamo ri Barak, “Iaminne parentaNa Batara, Allata'alana tu Israel mae ri kau: ‘Passe'rei 10.000 jaina tu bura'ne battua ri suku Naftali siagang suku Zebulon. Nampa nuerang ke'nanga mange ri Moncong Tabor.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.