YOSUA 19:15 - KITTA' MATANGKASA'

¹⁵ Lalang ri daerana anjo suku Zebulon antama tongi: Katat, Nahalal, Simron, Yidala siagang Betlehem. Anjo daerana ke'nanga antama tongi sampuloa anrua kota siagang sikamma desa-desa niaka ri tammulilina.

YOSUA 19:15 Referans Kwoze

YOSUA 11:1

Nalangngereki kabara'na Karaeng Yabin battu ri Hazor ri passala'na sikamma pammetanna tu Israel, nia'mo tau nasuro mange ri Karaeng Yobab ri kota Madon, mange karaeng-karaeng kota Simron siagang Akhsaf,

2 PATTOTTORANG 11:6

Kota Betlehem, Etam, Tekoa,

2 SAMUEL 23:15

Nakkuki nasa'ring Daud mae ri anjo pa'rasanganna; nakanamo, “Ka'de' nia' kulleanna nakunisare je'ne' inung battu ri bungung niaka ri ampi'na pakke'bu' lompona Betlehem!”

RUT 1:19

Jari napatulusu'mi lampana ke'nanga, sa'genna anrapi' mange ri Betlehem. Kamma battuna ke'nanga mange anjoreng, gegere'mi taua ri sikontu anjo kotaya. Nakana ngasemmo tubai'-bainea anjoreng, “Maka Naomi tojengka anjo?”

HAKING-HAKING 1:30

Tuniaka ammantang ri kota Kitron siagang Nahalol, tena todong nanibongkai ri suku Zebulon. Iaminjo saba'na natuli ammantangija bansa Kanaan anjoreng sipammantangang ke'nanga. Mingka nipassami anjo tu Kanaan ampanjama-jamaangi ke'nanga.

YOSUA 19:14

Ri bageang wara', anjo pa'baeng-baeng buttaya a'lekkoi mange ri Hanaton nampa kala'busang ri Ka'bung Yiftah-El.

YOSUA 19:16

Anjo kota-kotaya siagang desa-desaya niaki lalang ri daera nipassareanga mange ri kaluarga-kaluarga niaka lalang ri suku Zebulon untu' a'jari butta pisakana ke'nanga.

HAKING-HAKING 12:8

Le'ba'na Yefta, nipimpimmi umma' Israel ri Ebzan, battua ri Betlehem.

HAKING-HAKING 17:7

Ia todong anjo wattua nia' se're turungka battu ri suku Lewi. Anjorengi ri Betlehem ri daera Yehuda ammantang riolo.