YOSUA 17:5 - KITTA' MATANGKASA'

^5-6 Jari, teai jari-jari bura'nena bawang Manasye angngappa pambageang butta, mingka jari-jarina pole bainea. Iami anjo saba'na angngapa nanisare suku Manasye sampulo bageang, pantaranganna butta Gilead siagang Basan irayanganna Binanga Yordan. Butta Gilead nipassareangi mae ri jari-jarina Manasye maraenganga.

YOSUA 17:5 Referans Kwoze

YOSUA 17:14

Nakanamo jari-jarina Yusuf ri Yosua, “Angngapa nase'reja pambageang butta nisareangi ikambe, nampa ikambe anne jai sikaliki', lanri nibarakkakinna ikambe ri Batara?”

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.

YOSUA 17:4

A'lampai ke'nanga mange ri Imang Eleazar, Yosua ana'na Nun siagang sikamma pamimpinga, na nakana ke'nanga, “Nakana Batara mae ri Musa angkana ikambe musti para anggappa tongi butta sangkamma sari'battanna ikambe bura'nea.” Lanri kammana anjo, situru' parentaNa Batara, anjo ana'na ngaseng Zelafehad para nisare tongi butta sangkamma sari'battang bura'nena ke'nanga.