YOSUA 17:3 - KITTA' MATANGKASA'

³ Zelafehad, ana'na Hefer, cucunna Gilead (Gilead ana'na Makhir, cucunna Manasye), tena ana'na bura'ne, mingka baine bawang, iamintu: Makhla, Noa, Hogla, Milka, Tirza.

YOSUA 17:3 Referans Kwoze

PAMMILANGNGANG 27:1

Zelafehad nia' ana'na baine lima, iamintu: Mahla, Noa, Hogla, Milka siagang Tirza. Manggena Zelafehad iamintu Hefer, manggena Hefer iamintu Gilead, Manggena Gilead iamintu Makhir, manggena Makhir iamintu Manasye, na manggena Manasye iamintu Yusuf.

PAMMILANGNGANG 26:33

Zelafehad ana'na Hefer tena ana'na bura'ne mingka sangnging baineji. Areng-arenna ke'nanga iamintu Mahla, Noa, Hogla, Milka siagang Tirza.

PA'JARIANG 50:23

Narapi' iji nacini' ana' cucunna Efraim. Narapi' tongngiji naparakai ana'-ana'na Makhir, iamintu cucunna Manasye, napasangkamma ana' kalenna.

YOSUA 17:2

Daera laukanna Binanga Yordan nipassareangi mae ri kaluarga-kaluarga maraenga battu ri jari-jarina Manasye, iamintu kaluarga-kaluarga: Abiezer, Helek, Asriel, Sekhem, Hefer siagang Semida; yangasenna anjo ke'nanga turungang bura'ne battu ri Manasye ana'na Yusuf. Iami ke'nanga kapala-kapala kaluarga.