YOSUA 17:13 - KITTA' MATANGKASA'

¹³ Ba'lalo ri bokoangallo, a'jari pila' kassa'namo tu Israel, tenaja nabongka ngasengi anjo tu Kanaan; poro napassanaji anjo taua ampanjamangi ke'nanga.

YOSUA 17:13 Referans Kwoze

YOSUA 16:10

Mingka suku Efraim tena nanabongkai tu Kanaan battu ri daera Gezer. Iaminjo saba'na nasa'genna kamma-kamma anne nia' iji tu Kanaan ammantang ri Gezer sipammantangngang siagang tu Efraim, mingka nipassai ke'nanga anjama salaku ata mae ri tu Efraim.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

2 SAMUEL 3:1

Anjo pa'bundukanga battu ri tumminawanga ri kaluargana Saul a'bali tau amminawanga ri Daud tena nammari-mari. Pila' kassaki Daud, nampa balinna pila' lammai.

HAKING-HAKING 1:33

Tu niaka ammantang ri kota Bet-Semes siagang Bet-Anat, tena todong nanibongkai ri suku Naftali. Iaminjo saba'na natuli ammantangija tu Kanaan, iamintu tau appokoka anjoreng ri pa'rasangangnga, sipammantangang siagang tu Naftalia. Mingka nipassai ke'nanga ampanjama-jamaangi tu Naftalia.

HAKING-HAKING 1:30

Tuniaka ammantang ri kota Kitron siagang Nahalol, tena todong nanibongkai ri suku Zebulon. Iaminjo saba'na natuli ammantangija bansa Kanaan anjoreng sipammantangang ke'nanga. Mingka nipassami anjo tu Kanaan ampanjama-jamaangi ke'nanga.

HAKING-HAKING 1:28

Memang ri pila' katambannamo kassa'na tu Israelka napassami tu Kanaan ampanjama-jamangi ke'nanga. Mingka tena nanabongkai tabasikali ke'nanga anjo tu Kanaan battu anjoreng.

PA'JARIANG 49:15

Naciniki antekamma baji'na anjo tampaka antekamma ga'gana anjo pa'rasanganga, na'dundumo rella nipitekeki, na nipassa anjama a'jari ata.