YOSUA 16:3 - KITTA' MATANGKASA'

³ Battu anjoreng anjo garisika a'lampa kalauki ri daerana golongang Yaflet, sa'genna mange ri Bet-Horon-Hilir, tulusu' mange ri Gezer, nampa kala'busang ri Tamparang Tangngaya.

YOSUA 16:3 Referans Kwoze

2 PATTOTTORANG 8:5

Kota Bet-Horon-Ratea siagang Bet-Horon-Rawaya nabangungi ammotere' a'jari kota nia' tembo' pattahanganna siagang ammake panjoli lompo pakke'bu' lompona.

YOSUA 18:13

Anjo garisi' pa'baeng-baenga tulusuki pole mange ri pungku' moncong timboranna Lus (niassenga angkana niarengi Betel), nampa naung ri Atarot-Adar ri moncong timboranna Bet-Horon-Hilir.

YOSUA 10:33

Battui Horam, iamintu karaeng ri Gezer ambantui Lakhis, mingka nibeta tongi siagang tantarana ri Yosua; tena manna sitau ammantang, kabusu'na mate ngasengi.

1 PATTOTTORANG 7:28

Daera nipassareanga untu' napammantangi ke'nanga iamintu: battu ri Betel sa'genna Naaran bellana ri bageang iraya, siagang Gezer ri bageang lau' kammayatompa desa-desa niaka ri tammulilina anjo kota-kotaya. Lalang ri anjo daeraya antama' tommi kota Sikhem siagang Aya, kammayatompa desa-desa niaka ri tammulilina.

1 PATTOTTORANG 7:24

Efraim nia' ana'na baine niareng Seera. Iami ambangungi kota-kota Bet-Horon Rawaya siagang Bet-Horon Ratea, kammayatompa kota Uza siagang Seera.

PAMMILANGNGANG 34:6

Tamparang Tangngaya a'jari pa'baeng-baenna pa'rasangannu ri bageang ilau'.

1 SAMUEL 13:18

Sipa'rappungang makaruaya a'lampa mangei ri Bet-Horon, siagang sipa'rappungang maraengannaya pole a'lampa mangei ri pa'baeng-baeng a'dalle' mangea ri Lappara' Zeboim siagang ri parang lompoa.

1 PATTOTTORANG 20:4

Siapa are wattu le'ba'na anjo a'bundu'mi pole ke'nanga, iamintu angngewa tu Filistin ri Gezer. Ri se'reang pa'bundukanga anjo, ammunomi Sibkhai iamintu tu Husa, se're tu Filistin sannaka lompoa kalenna, iamintu niarenga Sipai. Na nibetamo tu Filistin.