YOSUA 14:2 - KITTA' MATANGKASA'

² Kamma le'baka Naparentakang Batara mae ri Musa, anjo daera-daera ilaukanna Binanga Yordan nitantukanga untu' salapang assititangnga suku bansa Israel, musti nibage-bagei, iamintu niloterei carana.

YOSUA 14:2 Referans Kwoze

PAMMILANGNGANG 34:13

Nakanamo Musa mae ri bansa Israel, “Iaminjo butta lanutarimaya, iamintu punna nugoccang kamma loterei; butta mustia nubage mange ri salapang assitangnga suku bansa Israel situru' parentaNa Batara.

PAMMILANGNGANG 33:54

Nampa musti nubage a'jari pisakanu; carana nubage iamintu nugoccangi sangkamma loterei. Untu' golongang bija lompoa musti lompo tongi bageanna, nampa mae ri golongang bija ca'dia musti ca'di tongi bageanna.

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

PANGNGEBARANG 18:18

Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'.

LAMPA-LAMPANA 1:26

Le'baki anjo, nilotereimi anjo ruaya areng, natu'guru' mae ri Matias. Jari niangka'mi Matias a'jari tunisuro, lasiaganga anjo sampuloa asse're tunisuroNa Allata'ala.

PAMMILANGNGANG 34:17

“Ia mustia ambagei anjo buttaya mae ri kau ngaseng iamintu Imang Eleazar, siagang Yosua ana'na Nun.

YOSUA 18:6

Gambara'na pa'baeng-baenna anjo tujua pambageang butta musti nipareki, nampa nipassareang mae ri nakke. Sallang lammuanga' loterei untu' angngassengi apa Napattantua Allata'ala untu' ikau ngaseng.

PAMMILANGNGANG 26:52

Nakana Batara mae ri Musa,

YOSUA 13:7

Jari, kamma-kamma anne bage-bagemi anjo buttaya mae ri salapanga suku lalang ri bansa Israel, siagang mae ri bageruanna suku Manasye, sollanna a'jari butta pisakana ke'nanga.”

YOSUA 18:10

Nampa nabuang Yosua lotereia untu' angngassengi apa Napattantua Batara mae ri ke'nanga. Le'baki anjo napassareammi Yosua anjo pambageang buttaya mae ri tunggala' sukua lalang ri bansa Israel tenayapa nanggappa pambageang butta.

YEHEZKIEL 45:1

Ri tenanapa nibage-bagei anjo buttaya untu' a'jari butta pisaka mae ri tunggala' sukua, musti nisa'laki se're bageang untu' Batara. La'buna anjo tampaka musti 12,5 kilometere', siagang sangkara'na 10 kilometere'. Sikontu anjo tampaka nipa'jari matangkasaki.