YOSUA 12:5 - KITTA' MATANGKASA'

⁵ Daera kakoasanna iamintu Moncong Hermon, Salkha, siagang sikontu daera Basan sa'genna daera Gesur siagang Maakha; kammayatompa antamaki bageruanna daera Gilead sa'genna daera kakoasanna Karaeng Sihon ri kota Hesybon.

YOSUA 12:5 Referans Kwoze

PAOLE 3:14

Yair battu ri suku Manasye angngallei anjo sikontu daera Argob, iamintu battu ri Basan sa'genna ri pa'baeng-baenna Gesur siagang Maakha. Naaremmi anjo desa-desaya sangkamma areng kalenna, na sa'genna kamma-kamma anne tuli alla'banna niasseng salaku desa-desa Yair.)

1 SAMUEL 27:8

Le'baki anjo jammanga, Daud siagang ana' buana biasai mange ambunduki tu Gesur, tu Girzi, tu Amalek; sikamma anjo bansaya sallo ngasemmi ammantang anjoreng ri daeraya. Mangemi a'bundu' sa'genna mange ri Sur, nampa tulusu' mange ri Mesir.

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.

2 KARAENG-KARAENG 25:23

Ri wattunna nalangngere' sikamma perwira tantarana Yehuda siagang tantara Yehuda tenaya napassareangi kalenna mae ri tu Babel anjo kabaraka, battu ngasemmi ke'nanga mange ri Gedalya ri Mizpa. Anjo perwira-perwiraya iamintu Ismael ana'na Netanya, Yohanan ana'na Kareah, Seraya ana'na Tanhumet battu ri kota Netofa, siagang Yazanya battu ri kota Maakha.

2 SAMUEL 15:8

Nasaba' ri wattungku nia' ija ammantang ri Gesur pa'rasangang Siria, le'baka' a'janji la'lampa assambayang mae ri Batara ri Hebron punna Nasarea' pangngellai ammotere' mange ri Yerusalem.”

2 SAMUEL 13:37

Larimi Absalom mange ri balla' kakaraengang ri pa'rasangang Gesur, iamintu Talmai ana'na Amihur. Anjorengi ammantang tallun taung sallona. Salloi susa kamateang Daud lanri Amnon,

2 SAMUEL 3:3

Kileab. Amma'na iamintu Abigail, jandana Nabal battua ri Karmel. Absalom. Amma'na iamintu Maakha, ana' bainena Karaeng Talmai battua ri Gesur.

YOSUA 12:1

Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.

YOSUA 11:3

Nia' tommo tau nasuro mange ri tu Kanaan niaka ri bageang ilau' siagang ri bageang rayanganna Yordan, mange ri tu Amori, Het, Feris, siagang tu Yebus ri daera pa'monconganga, kammayatompa tu Hewi ri bangkenna Moncong Hermon ri daera Mizpa.

1 PATTOTTORANG 5:11

Ri bageang warakkanna daerana suku Ruben, anjoremmi ammantang suku Gad ri butta Basan sa'genna Salkha bellana ri bageang iraya.

YEREMIA 40:8

Jari Ismael ana'na Netanya, Yohanan ana'na Kareah, Seraya ana'na Tanhumet, siagang ana'-ana'na Efai battu ri Netofa, kammayatompa Yezanya battu ri Maakha, a'lampa ngasengi siagang taunna ke'nanga mange ri Gedalya ri Mizpa.