YOSUA 11:9 - KITTA' MATANGKASA'

⁹ Nagaukammi Yosua mae ri ke'nanga situru' apa Naparentakanga Batara: napesoki jaranna ke'nanga, siagang natunui kareta-kareta bundu'na ke'nanga.

YOSUA 11:9 Referans Kwoze

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

PA'JARIANG 49:6

Talamminawangnga' ri passitujuanna ke'nanga, kammayatompa ri pakkumpulanna ke'nanga. Saba' ammunoi ke'nanga lalang larrona, napara'bai sapi lakia untu' kasannanganna.

2 SAMUEL 8:4

Natahangi Daud nia' 1.700 tau tantara a'jarang siagang 20.000 tau tantara a'jappa bangkeng. Napesoki kabusu'mi sikontu jaranga, pantaranganna siapa are jaina, anggannaka untu' sibilangngang kareta pa'bundukang.

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.