YOSUA 11:2 - KITTA' MATANGKASA'

² mange ri karaeng-karaeng niaka ri pa'moncongang bageang wara', ri Ka'bunna Yordan ri bageang timboranna Galilea, ri daera pa'moncongang, siagang ri daera biring tamparanga ri ampi'na Dor.

YOSUA 11:2 Referans Kwoze

HAKING-HAKING 1:27

Ia tenaya nibongkai ri suku Manasye iamintu tuniaka ri kota Bet-Sean, Taanakh, Dor, Yibleam, Megido siagang sikamma kampong-kampong niaka ambani. Jari ammantangiji tu Kanaan anjoreng.

YOSUA 12:3

kammayatompa antama' tongi daera Ka'bung Yordan bageang iraya, battu ri Tamparang Galilea a'lampa timboro' sa'genna mange ri Bet-Yesimot (ri rayanganna Tamparang Matea), tulusu' mange ri bangkenna Moncong Pisga.

YOSUA 17:11

Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.

PAMMILANGNGANG 34:11

Battu anjoreng na naung mange ri Ribla ri bageang rayanganna Ain, nampa tulusu' mange ri bulu'-buluka ri biring rayanganna Tamparang Galilea,

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

LUKAS 1:39

Le'baki anjo, a'lampami linta' Maria mange ri se'reang kota ri pa'rasangang Yudea, rate buluka.

YOSUA 13:27

Ri Lappara'na Yordan anjo daerana suku Gad anjo antamaki Bet-Haram, Bet-Nimra, Sukot, siagang Zafon, iamintu sesa daera kakoasanna Karaeng Sihon ri Hesybon. Pa'baeng-baenna bageang lau'na daera suku Gad iamintu Binanga Yordan sa'genna mange ri Tamparang Galilea ri bageang wara'.

YOSUA 11:21

Iatommi anjo wattua na'lampa Yosua mange angngancuruki bansa Enak, iamintu bansa lompo tinggia ngaseng kalenna, niaka ammantang ri daera pa'moncongang – ri Hebron, Debir, Anab, siagang ri sikontu daera pa'monconganna Yehuda siagang Israel. Nibuno ngasengi ke'nanga ri Yosua, siagang niancuru' ngasengi kota-kotana ke'nanga.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 10:6

Nakirimmi tu Gibeon anne kabaraka mange ri Yosua ri pakkemaang Gilgal, angkana, “Teaki' balang parekangi kale-kalenna ikambe karaeng! Battu maki' linta' ambantui ikambe, nasaba' asse'remi tantara battua ri sikontu karaeng Amori ri daera pa'monconganga untu' angngewai ikambe!”

YOSUA 11:16

Naalle ngasengi Yosua anjo pa'rasanganga – daera pa'moncongang, daera bangkeng moncong, baji' niaka ri bageang wara' kammayatompa niaka ri bageang timboro'; kammayatompa sikontu daera Gosyen siagang daera parang kalotoroka ri bageang timboro'na Gosyen, siagang Ka'bung Yordan.

1 KARAENG-KARAENG 15:20

Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.