YOSUA 10:5 - KITTA' MATANGKASA'

⁵ Jari asse'remi anjo limaya karaeng Amori, iamintu karaeng Yerusalem, Hebron, Yarmut, Lakhis siagang Eglon, nampa a'lampa ke'nanga siagang sikontu tantarana ke'nanga allipungi siagang ambunduki Gibeon.

YOSUA 10:5 Referans Kwoze

YOSUA 10:6

Nakirimmi tu Gibeon anne kabaraka mange ri Yosua ri pakkemaang Gilgal, angkana, “Teaki' balang parekangi kale-kalenna ikambe karaeng! Battu maki' linta' ambantui ikambe, nasaba' asse'remi tantara battua ri sikontu karaeng Amori ri daera pa'monconganga untu' angngewai ikambe!”

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

YOSUA 10:16

Mingka ta'lappasaki anjo limaya karaeng Amori nampa accokko ke'nanga lalang ri kali'bong baru ri Makeda.

1 SAMUEL 7:14

Sikontu kota Israel le'baka nibeta ri tu Filistin, appakkaramula battu ri Ekron sa'genna Gat, nipoterangi mae ri tu Israel. Jari nagappa ngasemmi ammotere' sikontu daerana tu Israel. Assiama'mi tu Israel siagang tu Kanaan.

YEREMIA 34:7

ri wattunna sitabang pasukanna karaeng Babel nia' battu ambunduki anjo kotaya. Nabunduki tongi ke'nanga kota Lakhis siagang Aseka, ruaya kota ammakea pattahangngang, attahanga ija ri Yehuda.