YOSUA 10:25 - KITTA' MATANGKASA'

²⁵ Le'baki anjo nakanamo Yosua mae ri sikamma perwiraya, “Teako lussakki siagang teako mallakki. Paralluko tappa' siagang barani, nasaba' kammaminne caraNa Batara langgauki sikontu musunnu.”

YOSUA 10:25 Referans Kwoze

2 KORINTUS 1:10

Iami le'baka ampasalamaki ikambe battu ri bahaya lompona anjo kamateanga. Kammayatompa Ia tommi sallang lampasalamaki ikambe ri allo-allo labattua. Nasaba' Iami panrannuanna ikambe.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”

PAOLE 7:19

U'rangi sikamma bala lompo nucinika kalennu, gau'-gau' appakalannasa', siagang kakoasang lompo Napakea Karaeng Allata'alanu untu' allappassangko. Kamma tomminjo laNagaukanga Karaeng Allata'alanu mae ri sikontu bansa nukamallakkanga.

PAMMUJI 77:11

Nampa kukanamo, “Iaminne ampa'risi pa'maikku, angkanaya tenamo namakoasa Kaminang Tinggia.”

PAMMUJI 63:9

Kuta'gala' majarrekKi', limanTa antumpaka'.

YOSUA 10:8

Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”

YOSUA 1:6

Paralluko tappa' siagang barani, nasaba' ikau lampimpingi anne bansaya ri wattunna napantamakki ke'nanga pa'rasangang Kupa'janjianga mae ri boe-boena ke'nanga.