YOSUA 1:8 - KITTA' MATANGKASA'

⁸ Anjo kitta' hukkunga musti tuli nubacakangi mae ri ummakKu. Pilajari anjo kittaka allo bangngi, sollanna tuli nugaukang sikontu apa niaka tattulisi' lalang. Punna nugaukang ngaseng sikammaya anjo, lasalewangangko ri tallasa'nu siagang la'jari usahanu.

YOSUA 1:8 Referans Kwoze

PAMMUJI 119:15

Erokka' ampilajari sikontu kaputusanTa, siagang amparhatikangi sikamma pitunju'-pitunjutTa.

PAMMUJI 19:14

Pakabella' battu ri dosa kusangajakkia, teaKi' lappassangngia' nikoasai. Nakuma'jari tena callangku, kuta'lappasa' battu ri gau' sala lompoa.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

PAOLE 29:9

Jari paralluko tamamminraya pa'mai'nu mannuruki ri sikontu anne parjanjianga, sollannu anggappa wassele' lalang sikontu usahanu.

YOHANES 14:21

Inai-nai antarimai sikamma parentaKu nampa nagaukang, iami angkamaseangA'. Inai-nai angkamaseangA', lanikamaseang tongi ri ManggeKu. LaKukamaseangi anjo taua, siagang laKupa'nyatai KalengKu mae ri ia.”

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

MATIUS 7:24

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 119:97

Tamaka kungaina hukkunTa; kunawa-nawai sila'busu' allo.

MATIUS 7:21

“Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

YOHANES 13:17

Nuasseng ngaseng minne; jari mate'ne mako punna nugaukangi.

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

PAOLE 30:14

Teako akkuta'nang kammai, nasaba' anjo parentaya niaki anrinni. Nuapele'mi siagang akkullemi nupau, jari poro lanugaukang mami.

PAOLE 5:29

Ka'de' natuli kammana anjo pa'mai'na ke'nanga! Ka'de' natuli napakalompoA' siagang naturuki sikontu parentaKu, sa'genna salewangang ke'nanga siagang jari-jarina sa'genna satunggu-tungguna!

PAMMUJI 119:99

Pammahangku la'biangngangi napammahanna guru-gurungku, lanri inakke kunawa-nawai sikamma parentaTa.

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

PAOLE 31:11

musti nubacakangi anne hukkung-hukkunga siagang sa'ra lompo mae ri tu Israel battua anynyomba ri Karaeng Allata'alanu ri tampa' ibada le'baka nipattantu.

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

MATIUS 12:35

Tau bajika, tuli apa baji' todong lanapau, nasaba' bajiki lalang atinna. Mingka tau ja'dalaka tuli apa-apa ja'dala' napau, nasaba' ja'dalaki lalang atinna.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

PA'JARIANG 24:63

Ri se'reang karueng assuluki battu ri kemana ero' mange a'jappa-jappa ri kokoa. Nampa nacini'mo angkana nia' siapa are jaina unta battu.

PAOLE 31:24

Nampa natulisi' Musa hukkunNa Allata'ala lalang ri se'reang kitta'. Nabajiki tulisi'na battu ri pakaramulanna sa'genna kala'busang.

YOSUA 8:34

Nampa nabacamo Yosua siagang sa'ra lompo sikontu hukkunga sangkamma apa niaka tattulisi' lalang ri Kitta' Hukkunga, kammayatompa barakka'-barakkaka siagang pattunra-pattunraya.

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAOLE 29:8

Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

2 PATTOTTORANG 26:5

Zakharia a'jari gurunna ri passala' katappakkanna mae ri Batara. Lalang attallasa'na ija Zakharia, majarreki tappa'na Uzia siagang anynyombai ri Batara sa'genna nibarakkaki ri Batara.