YOSUA 1:5 - KITTA' MATANGKASA'

⁵ Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:5 Referans Kwoze

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

PAOLE 20:4

Karaeng Allata'alanu lamminawang untu' antulungko, siagang Ia lassareko pammetang.’

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

YOSUA 3:7

Nakana Batara mae ri Yosua, “Appakkaramula anne alloa laKupa'jariko tau malompo sa'genna sikontu umma' Israel lanapakalompoko siagang nasadari angkanaya iNakke anrurungangko sangkamma Kururunganna Musa.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

YOSUA 1:17

Lamannuruki ikambe mae ri kau, sangkamma todong tuli mannurukinna ikambe mae ri Musa. Dasi-dasi naNarurungangko Karaeng Allata'alanu sangkamma todong Narurunganna Musa!

PAOLE 7:24

LaNapassareangi sikamma karaenna ke'nanga mae ri kau. Lanubunoi ke'nanga, nampa nikaluppaimo arenna ke'nanga. Tena manna sitau akkulle attahang andallekangko; anjo ke'nanga lanuancuru' ngasengi.

YOSUA 6:27

Nirurungangi Yosua ri Batara, siagang a'jari masahoroki arenna Yosua ri sikontu anjo pa'rasanganga.

PAOLE 31:23

Nampa Nakana Batara mae ri Yosua, ana'na Nun, “Paralluko majarre' pa'mai' siagang barani Yosua! Ikau lampimpingi bansa Israel ampatamakki pa'rasangang Kupa'janjianga mae ri ke'nanga, siagang iNakke lantulungko.”

PAOLE 4:31

Anjo Karaeng Allata'alanu, Iami Allata'ala sannaka lompona pangngamaseanNa. Tena nalaNabokoiko yareka tena nalaNapanrakiko, yareka tena nalaNakaluppai parjanjiang Napareka KalenNa siagang boe-boenu.

YOSUA 10:8

Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”

HAKING-HAKING 2:18

Punna nia' Napassareang Batara se're pamimping mae ri bansa Israelka tuli Natulummi Batara anjo pamimpinga. Na lalang ri tallasa'na anjo pamimpinga, tuli nilappassanna ke'nanga battu ri musu-musunna. Mangngamaseangi mae ri ke'nanga punna Nalangngere' ke'nanga akkunrareng lanri nisessana siagang nijallakkanna ke'nanga.

HAKING-HAKING 6:16

Nakanamo Batara, “Tantu akkullenu, nasaba' iNakke lambantuko. Akkullei nuancuru' tu Midian siagang gampang, sanrapang angkanaya sitauji nudallekang.”

1 SAMUEL 10:7

Punna kajariang ngaseng anjo sikammaya, gaukammi apa nukanaya baji', nasaba' niaki Allata'ala anrurungangko.

1 KARAENG-KARAENG 1:37

Antekamma bateNa Batara le'ba' anrurungangki', poro Iatommi anrurungangi Salomo. Tapporo Batara ampa'jari la'bi poreangngangi pamarentahanna na pamarentahanta.”

1 KARAENG-KARAENG 6:13

LammantangA' lalang anrinni ri balla' nubangunga ri tangnga-tangngana ummakKu Israel. Tena nalaKubokoi ke'nanga.”

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

1 KARAENG-KARAENG 11:38

Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YEREMIA 1:8

Teako mallakki mae ri ke'nanga, nasaba' iNakke lanrurungangko untu' anjagaiko. INakke Batara, anne akkana!”

DANIEL 11:16

Anjo karaeng pa'rasangang waraka lappaero'-eroki appanggaukang, nampa tena naniewai manna sike'de'. Lanaempoi tongi pa'rasangang ga'gaya nampa nakoasai kabusu'.

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.