YOHANES 9:30 - KITTA' MATANGKASA'

³⁰ Appialimi anjo taua nakana, “Appakalannasa' sikali punna tena ngaseng nanuassengi angkanaya battu kemae assala'Na, nakule'ba'mo anne Naballei sa'gengku akkulle accini'.

YOHANES 9:30 Referans Kwoze

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

YOHANES 3:10

Appialimi Isa Nakana, “Ikau guruko ri Israel; masa' tena nanuassengi?

YESAYA 29:18

Anjo wattua tau tongoloka lanalangngereki kana-kana nibacaya battu ri se'reang kitta', siagang tau butaya, ia sassanga tallasa'na sumpaeng, lakkullei accini'.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

PAMMUJI 119:18

Kisungkei matangku sollangku accini' ajarang malompo niaka lalang ri hukkunTa.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

LUKAS 7:22

Jari appialimi Isa Nakana, “Ammotere' mako mae ri Yohanes na nupauang apa le'baka nulangngere' siagang nucini': accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, siagang nibirittakammi Kabara' Baji' battua ri Allata'ala, mae ri tu kasi-asia.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

YESAYA 35:5

Anjo wattua tau butaya lakkullei accini', na tau tongoloka lakkullei allangngere'.

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

YOHANES 9:29

Naassemmi ikambe angkanaya le'ba'mi a'bicara Allata'ala mae ri Musa. Mingka passala'na anjo taua, tanaassengai ikambe angkanaya tau battu kemae assala'Na.”

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.