YOHANES 9:29 - KITTA' MATANGKASA'

²⁹ Naassemmi ikambe angkanaya le'ba'mi a'bicara Allata'ala mae ri Musa. Mingka passala'na anjo taua, tanaassengai ikambe angkanaya tau battu kemae assala'Na.”

YOHANES 9:29 Referans Kwoze

YOHANES 8:14

Appialimi Isa Nakana, “Manna naiNakke tonji ansa'bi KalengKu, mingka annabai anjo kasa'biangKu; nasaba' Kuassengi angkana battu kemae kabattuangKu, siagang kemae laKulampai. Ikau tena nuassengi angkana battu kemae kabattuangKu siagang kemae laKulampai.

LAMPA-LAMPANA 26:22

Mingka sa'genna kamma-kamma anne tuli nijagaia' ri Allata'ala, sa'gengku akkulle ammenteng anrinni, a'jari sa'bi mae ri sikamma taua – baji' natau lompo kammayatompa tau ca'dia. Anne apa kupaua tena le'ba' sisalana siagang apa-apa le'baka nasero kana na'bi-na'bia siagang Musa;

LAMPA-LAMPANA 22:22

Appilangngeri ngasengi anjo tau jaia ri wattunna a'bicara Paulus. Mingka nalangngere'na ke'nanga anjo kala'busang kananna Paulus, ammarrang-marrammi ke'nanga angkana, “Bunoi anjo tau kammaya. Tena nasiratang attallasa'!”

LAMPA-LAMPANA 7:35

Iaminne Musa, tenaya niakui ri bansa Israel, siagang nisorongbokoa angkana, ‘Inai le'ba' angngangkakko a'jari pamimping siagang a'jari haking mae ri kambe?’ Mingka sitojenna, iami nisuro ri Allata'ala a'jari pamimping siagang appasalamaka, lanri bantuanna anjo malaeka' battua mae ri ia lalang ri anjo rompo' a'rinraya.

YOHANES 9:24

Jari nakio' poleammi ke'nanga anjo tau le'baka buta, na nakana ri ia, “Assumpa mako angkanaya lanupaui kontutojenga. Naassengi ikambe angkanaya tau doraka anjo Taua.”

YOHANES 9:16

Nia'mo siapa are tu Farisi angkana, “Tena olona laTau battu ri Allata'ala anne Tau anggaukangai anne panggaukanga lanri tena Najampangi allo Pammari-marianga.” Mingka nia'mo maraengang angkana, “Tena olona Tau dorakaya lakkulle anggaukangi gau'-gau' appakalannasa' kammaya anne!” Jari tenamo na'julu panggappa ke'nanga.

YOHANES 7:27

Mingka punna battu anjo Karaeng Mappasalamaka, tenanniakka manna sitau angngassengi assala' kabattuanNa! Naanne taua niassengi angkanaya battu kemaei assala'na.”

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

MATIUS 26:61

“Anne taua le'baki angkana, ‘Akkullei Kurumbang anne Balla'Na Allata'ala, nampa Kupabangung poleang ri makatalluna alloa.’ ”

MATIUS 12:24

Nalangngere'na tu Farisia anjo pakkuta'nanga, appialimi ke'nanga angkana, “Nakkulle Nabongka setanga anne taua, lanri le'ba'naji nisare koasa ri pinggawana setanga.”

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAMMUJI 106:16

Angngiri matai ri Musa ke'nanga ri parang lompoa siagang mae ri Harun ata matangkasa'Na.

PAMMUJI 105:26

Nampa Nasuro Musa atanNa siagang Harun tunipileNa.

PAMMUJI 103:7

Napa'nyatai rancanaNa mae ri Musa na sikamma gau'-gau'Na mae ri bansa Israel.

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

2 KARAENG-KARAENG 9:11

Ammotere'mi Yehu mange ri agang-aganna. Nampa akkuta'nammo ke'nanga ri ia angkana, “Kabara' apa kutadeng? Apa ero'na anjo tau pongoroka mae ri kalennu?” Appialimi Yehu angkana, “Assara-sarai ngasengko antu, nasaba' nuasseng ngasemmi.”

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

PAOLE 34:10

Ri Israel tenamo na'bi sangkamma Musa a'bicaraya sidallekang rupa siagang Batara.

PAMMILANGNGANG 16:28

Nampa angkanamo Musa, “Kamma-kamma anne lanuassemmi angkanaya Batara assuroa' anggaukangi anne sikammaya, siagang anjo kammaya teai ero' kalengku.

YOHANES 7:28

Le'baki anjo, lalang angngajara'Na Isa ri Balla'Na Batara, a'gora lompomi Nakana, “Jari nuasseng ngasenjA' angkana inaiA' anne, siagang battu kemae assalakKu? Teai ero' KalengKu naKunia' battu. INakke nisuroA' ri Ia niaka koasana assuro ri Nakke, nakkullei nipatappa'. Mingka tena nanuassengi.

YOHANES 9:30

Appialimi anjo taua nakana, “Appakalannasa' sikali punna tena ngaseng nanuassengi angkanaya battu kemae assala'Na, nakule'ba'mo anne Naballei sa'gengku akkulle accini'.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.