YOHANES 9:16 - KITTA' MATANGKASA'

¹⁶ Nia'mo siapa are tu Farisi angkana, “Tena olona laTau battu ri Allata'ala anne Tau anggaukangai anne panggaukanga lanri tena Najampangi allo Pammari-marianga.” Mingka nia'mo maraengang angkana, “Tena olona Tau dorakaya lakkulle anggaukangi gau'-gau' appakalannasa' kammaya anne!” Jari tenamo na'julu panggappa ke'nanga.

YOHANES 9:16 Referans Kwoze

YOHANES 10:19

Lanri akkana kammana Isa, appakkaramulami a'gea'-gea' tu Yahudia.

YOHANES 7:43

Kale'bakkanna a'gea-gea'mi ke'nanga passala' Isa.

YOHANES 7:12

Jaimi tau ampa'bici'-bicikangi Isa. Nia'mo angkana, “Tau baji' anjo taua.” Nia' tommo angkana, “Tena! Napasala oloangi tau jaia.”

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

MATIUS 12:2

Ri wattunna nicini' ke'nanga ri tu Farisia angkattiliki anjo asea, akkuta'nammi anjo tu Farisia mae ri Isa angkana, “Cini' sai anjo ana'-ana' gurunNu! Nadakkaimi atorang agamata nasaba' nagaukangi apa nipappisangkanga nigaukang ri allo Pammari-marianga.”

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

YOHANES 14:11

Tappa' mako ri Nakke, angkanaya asse'reA' siagang Manggea, kammayatompa asse'rei Manggea siagang iNakke. Yareka kaminang sike'de'na, tappa' mako lanri sikamma anjo apa le'baka nucini' Kugaukang.

YOHANES 9:24

Jari nakio' poleammi ke'nanga anjo tau le'baka buta, na nakana ri ia, “Assumpa mako angkanaya lanupaui kontutojenga. Naassengi ikambe angkanaya tau doraka anjo Taua.”

YOHANES 6:52

Nalangngere'na akkana kamma Isa, a'gea'mi tu Yahudia massing para ia. Nakana ke'nanga, “Antekamma lakkulle anne taua ampassareangi KalenNa mae ri kambe lanipa'jari kanre?”

YOHANES 5:36

Mingka lompoangangi kasa'biangKu na kasa'bianna Yohanes. Apa Kugaukanga ri kamma-kammaya anne, iamintu jama-jamang Napassuroanga Manggea mae ri Nakke, iaminjo a'jari butti, ma'nassana Manggea assuroA' battu.

LAMPA-LAMPANA 14:4

Mingka sisala-salami para ia anjo tau niaka anjoreng ri kotaya; nia' ammenteng mae ri tu Yahudia na nia' ammenteng mae ri anjo tunisuroNa Allata'ala.

MATIUS 12:10

Anjoreng ri balla' sambayanga nia' se're tau mate siali limanna. Nia'mo siapa are tau ero' ampa'boyangi sala Isa. Jari akkuta'nammi ke'nanga ri Isa angkana, “Maka akkulleji niballei taua ri allo Pammari-marianga?”

LUKAS 13:14

Larromi kapalana anjo balla' sambayanga, lanri Naballeina anjo bainea ri allo Pammari-marianga. Jari nakanamo ri taua ngaseng, “Nia' annangallo akkulle nipake untu' anjama; lalang allo-allo kammaya minjo nubattu punna erokko niballei, teako ri allo Pammari-marianga nubattu!”

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 5:10

Lanri kammana, nakanamo tau anna'galaka koasa ri tu Yahudia mae ri anjo tau beru bajika ri garrinna, nakana, “Anne alloa allo Pammari-mariangi. Tena nakkulle nuangka' tappere'nu.”

YOHANES 7:23

Punna nugaukangi anjo kammaya sollanna tena nudakkai atorang napabattua Musa ri passala'na anjo sunnaka, angngapa nularro ri Nakke lanri Kuballeina taua sibatu kale ri allo Pammari-marianga?