YOHANES 8:56 - KITTA' MATANGKASA'

⁵⁶ Sannang sikali nyawana manggenu Abraham lanri lanaciniki allongKu. Ba'lalo nacini'mi siagang sannammi nyawana!”

YOHANES 8:56 Referans Kwoze

IBRANI 11:13

Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

PA'JARIANG 22:18

Sikontu bansaya ri lino lanapalaki ri kau sollanna Kubarakkaki ke'nanga, sangkamma Kubarakkakinna turungannu, lanri mannurukinnu ri parentaKu.”

YOHANES 8:39

Appialimi ke'nanga angkana, “Manggena ikambe iamintu Abraham.” Nakanamo Isa, “Ebara' ana'na tojengko Abraham, tantu nugaukang tommi apa nagaukanga Abraham.

MATIUS 13:17

U'rangi, angkanaya jai na'bi siagang umma'Na Allata'ala ero' anciniki anne apa nucinika ri kamma-kammaya anne, mingka takkulleai nacini' ke'nanga. Eroki ke'nanga allangngereki anne apa nulangngereka ri kamma-kammaya anne mingka takkulleai nalangngere' ke'nanga.”

LUKAS 10:24

Nasaba' u'rangi angkanaya: Jai na'bi-na'bi siagang karak-karaeng ero' anciniki anne nucinika ri kamma-kammaya anne, mingka takkulleai nacini' ke'nanga. Eroki ke'nanga allangngereki anne apa nulangngereka ri kamma-kammaya anne, mingka takkulleai nalangngere' ke'nanga.”

IBRANI 11:39

Teai sipato' lompona pammetang nagappaya ngaseng anjo taua lanri tappa'na ke'nanga! Mingka tenapa natarimai anjo apa Napa'janjianga Allata'ala;

YOHANES 8:37

Memang, Kuassenji angkanaya sossoranna ngasengko Abraham. Mingka ero' ngasengko ambunoA', lanri taerokako antarimai ajarangKu.

YOHANES 10:25

Appialimi Isa Nakana, “Le'ba' mako Kupauang, mingka tena ngaseng nutappa'. Sikamma jama-jamang Kugaukanga lalang arenNa ManggeKu, a'jari ngasemmi butti mae ri KalengKu.