YOHANES 8:21 - KITTA' MATANGKASA'

²¹ Nakanamo pole Isa ri ke'nanga, “ErokKa' a'lampa sallang, siagang lanuboyA'; mingka lamate ngasengko lanri dosa-dosanu. Ri tampa' laKumangeia, takkulleako mange anjoreng.”

YOHANES 8:21 Referans Kwoze

YOHANES 7:34

LanuboyA' sallang mingka tenamo nukkulle ambuntulukKa'; nasaba' takkulleako battu mange anjoreng ri tampa' Kupammantangia.”

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

YOHANES 13:33

Ana'-anakKu ngaseng, tenamo naKulasallo ammantang angngagangko. LanuboyA' sallang, mingka sangkamma le'baka Kupau ri pamarentana tu Yahudia, kamma tomminjo Kupau ri kau ngaseng; angkanaya takkulleako mange ri tampa' laKumangeia.

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YOHANES 12:33

Nakkana kamma anjo Isa, lanri eroki Napappiassengang antekamma bateNa lamate sallang.

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 23:39

Asseng memammi angkanaya: Appakkaramula ri kamma-kammaya anne tenamo nalanucinikKa', sa'gengKu battu poleang sallang nanukanamo, ‘Nibarakkakimi Ia battua lalang arenNa Batara.’ ”

YESAYA 65:20

Tenamo ana'-ana'na lamate ca'di, na tau toaya lala'bui umuru'na. Tau sibilangngang taung umuru'na lanikanai tau rungka, na matea rioloanganna anjo lanikanai nataba hukkungangKu.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

PANGNGEBARANG 11:7

Punna mate tau ja'dalaka, mate tommi panrannuanna; manrannuanga ri kale, tena matu-matunna.

AYUB 20:11

Manna narungka siagang pore, mingka poro sinampe'ji na'jari limbu'bu' bawang.

1 KARAENG-KARAENG 18:10

Lanri arenNa Batara mattallasaka, Allata'ala kisombaya bapa', kupauang maki' angkanaya nasuroa' karaenga untu' amboyaki' ri kere-kere mae. Punna nia' tukoasa ri se'reang pa'rasangang angkana tenaki' anjoreng, nasuroi Ahab anjo tukoasaya ri anjo pa'rasangang assumpa angkana ma'nassa tena tojeng nanibuntulukki' anjoreng.

YOHANES 7:36

Apa ero'Na naNakana laniboyai mingka takkulleaki' ambuntuluKi, siagang takkulleaki' battu mange ri tampa' Napammantangia?”