YOHANES 7:45 - KITTA' MATANGKASA'

⁴⁵ Ri wattunna ammotere'mo sikamma pangawala'na Balla'Na Batara, iamintu le'baka nisuro mange anjakkalaki Isa, akkuta'nammi imang-imang kapalaya, siagang tu Farisia ri ke'nanga, angkana, “Angngapa natena nuerangi mae?”

YOHANES 7:45 Referans Kwoze

YOHANES 7:32

Nalangngere'mi tu Farisia antekamma batena a'bici'-bici' anjo tau jaia ri passala'na Isa. Lanri kammana assama turu'mi ke'nanga siagang imang-imang kapalaya. Assama turu'mi ke'nanga assuroi pangawala'na Balla'Na Batara anjakkalaki Isa.

MATIUS 26:58

Battu bellami Petrus ampinawang bokoi Isa, sa'genna paranglakkenna Imang Lompoa. Antama'mi ammempo ri alla'na pajagaya, ero' naasseng angkanaya antekamma kale'bakkanna lakajarianga ri Isa.

YOHANES 9:22

Nakkana kamma anjo anrong-manggena, lanri malla'na ke'nanga ri pamarentana tu Yahudia; nasaba' le'ba'mi assamaturu' ke'nanga, angkanaya inai-nai angngakui Isa angkana Iami Karaeng Mappasalama', takkulleai antama' ri balla' sambayanga.

YOHANES 11:46

Mingka nia' tommo siapa are ri ke'nanga mange ampabattui anjo apa le'baka Nagaukang Isa mae ri tu Farisia.

YOHANES 11:47

Jari a'rappungammi tu Farisia, imang-imang kapalaya, kammayatompa haking-hakinga ri Pangadelang Agamaya. Nakanamo ke'nanga, “Apa musti nigaukang? Anjo taua jai sikali gau'-gau' appakalannasa' Nagaukang!