YOHANES 7:37 - KITTA' MATANGKASA'

³⁷ Ri allo kala'busanna anjo passua'-suarranga, iamintu allo kaminang parallua, ammentemmi Isa lalang ri Balla'Na Batara. Nampa a'gora Nakana, “Inai-nai turere, musti battui ri Nakke angnginung.

YOHANES 7:37 Referans Kwoze

YESAYA 55:1

Nakana Batara, “Mae ngasengko sikamma tau turerea, angnginung mako battu ri je'ne' nipasadiaya. Battu mako mae tau tenaya doe'na tarimai gandunga nuta'bayarra, siagang angnganre mako! Anggoroka siagang dadika sadiai, alle bawang-bawammi.

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

YOHANES 6:35

Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAMMUJI 42:2

Sanrapang jonga nakku' ri je'ne' binanga, kammaminjo nakku'na nyawaku ri Katte, o, Allata'ala.

PAMMUJI 63:1

Pammujina Daud, ri wattunna nia' ri parang lompona Yehuda.

PAMMUJI 143:6

Kupatara limangku appala' doang mae ri Katte; sanrapang butta kalotoro', nakkuki nyawaku mae ri Katte.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

YOHANES 6:55

Nasaba' assingKumi kanre sitojennaya, siagang cerakKumi inungang sitojennaya.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

PAMMILANGNGANG 29:35

Ri allo makasagantujua musti asse're ngasengko untu' anggaukangi ibadaya siagang takkulleako anggaukangi jama-jamang battalaka.

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

1 KORINTUS 11:25

Kammatommi anjo ri le'ba'na angnganre, angngalle tommi pangnginungang anggoro', nampa Nakana, “Anne anggoroka, iami a'jari pammatei Parjanjiang BeruNa Allata'ala, nipa'jari assaya lanri cerakKu. Kere-kere wattu nanuinungi, gaukammi anne kammaya untu' a'jari pangngu'rangi mae ri Nakke.”

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

YOHANES 5:40

Mingka tena ngaseng nuero' battu mae ri Nakke sollanna nugappa katallassang mannannunganga.

YOHANES 1:23

Appialimi Yohanes, nakana, “Inakke minne le'baka nasero kana Na'bi Yesaya ri wattunna angkana, ‘Tau akkio'-kioka ri parang lompoa angkana: Lappari oloang laNaoloa Batara.’ ”

ZAKHARIA 9:15

Umma'Na mattantu laNasarei pa'la'langngang, sa'genna akkulle nabeta ke'nanga sikontu musua. Sanrapang pakkio'na tau nasa'ringa lanri angnginung, kammaminjo pakkio'na ke'nanga lalang pa'bundukang. Sanrapang cera' nitumpaya irate ri tampa' pakkoro'bangnganga, kammaminjo tattumpana cera'na musunna ke'nanga.

MIKHA 6:9

Sanna' baji'na punna mallakki' mae ri Batara. Akkioki mae ri pandudu'na kotaya Nakana, “Pilangngeri, he ikau ngaseng niaka a'rappung ri kotaya!

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

YESAYA 40:6

Nia' sa'ra angkana, “Kabarrangi!” Akkuta'nanga', “Apa musti kukabarrang?” “Kabarrangi angkana rupataua rapang ruku', rapang bunga poro sinampe'ji ga'gana.

NEHEMIA 8:18

Tuju alloi sallona ke'nanga assua'-suara'. Allo-allona nabacai Ezra bageang-bageang niaka lalang ri anjo kitta' HukkunNa Allata'ala. Ri allo makasagantuju appare'mi acara untu' antongkoki anjo passua'-suarranna ke'nanga, situru' paratorang Hukkunga.

KAIMANGNGANG 23:39

Ri le'ba'na pakkattoanga, appakkaramula ri tanggala' sampulo allima bulang tuju, musti nugaukangi passua'-suarranga lalang tuju allo. Allo makase'rea siagang makasagantujua iamintu allo le'ba' nisa'la' untu' pammari-mariang.

YOHANES 7:28

Le'baki anjo, lalang angngajara'Na Isa ri Balla'Na Batara, a'gora lompomi Nakana, “Jari nuasseng ngasenjA' angkana inaiA' anne, siagang battu kemae assalakKu? Teai ero' KalengKu naKunia' battu. INakke nisuroA' ri Ia niaka koasana assuro ri Nakke, nakkullei nipatappa'. Mingka tena nanuassengi.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

PANGNGEBARANG 8:3

Ri pakke'bu' lompoa, ri oloang antamaka ri kotaya, anjorengi kalangngerang sa'ranna, angkana,

MATIUS 3:3

Iaminne Yohanes natabaya kananna Na'bi Yesaya ri wattunna angkana, “Nia' tau akkiok-kio' ri parang lompoa angkana, ‘Pasadiai oloanNa Batara; Lappari oloang laNaoloa.’ ”

PANGNGEBARANG 9:3

Sikamma palayang bainea nasuroi a'lampa untu' akkiok-kio' battu ri tampa'-tampa' tinggia ri kotaya angkana,

PANGNGEBARANG 8:1

Pilangngeri! Akkio'-kioki kacara'dekanga, assa'rai pangngassenganga.

PANGNGEBARANG 1:20

Pilangngeri! Kacara'dekanga akkio'-kioki ri agang-aganga siagang ammarrang-marrangi ri sikamma paranga!

PANGNGEBARANG 8:17

Kukamaseangi tau mangngaia mae ri nakke; inai amboya', lanabuntulukka'.

YEHEZKIEL 47:9

Manna pole a'lo'loro' kemae anne binangaya, anjoremmi lajai sangka' rupa juku' siagang olo'-olo' maraengannaya. Je'ne'na Tamparang Matea napa'jari la'bai, siagang kemae-kemae a'lo'loro' anjo je'neka, anjoreng tommi lania' katallassang.

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

YOHANES 4:11

Nakanamo anjo bainea, “Tena se'rotTa tuang, siagang anne bungunga teai sipato' lantanna. Battu kemaeKi' akkulle langgappa je'ne' katallassang?