YOHANES 7:15 - KITTA' MATANGKASA'

¹⁵ Lannasa' ngasemmi tukoasana tu Yahudia, siagang nakanamo ke'nanga, “Antekamma nakkulle jai kamma Naasseng anne taua, natale'baka assikola?”

YOHANES 7:15 Referans Kwoze

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

MATIUS 13:54

nampa ammotere' mange ri pa'rasanganNa. Battuna mange anjoreng, mangemi ri sikamma balla' sambayanga angngajara'; na lannasa' ngasemmo taua allangngereki anjo apa Napangngajarranga. Nakanamo ke'nanga, “Battu kemaei anggappa pangngassengang kammaya anjo anne Taua? Battu kemaei anggappa koasa kammaya lompona Nakkulle anggaukangi gau'-gau' appakalannasaka?

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

YOHANES 7:46

Appialimi anjo pangawalaka ngaseng nakana, “Edede, tenanniakkapa tau kamma Ia a'bicara!”

LUKAS 2:47

Sikontu tau allangngerekai lannasa' ngasemmi lanri sanna' cara'de'Na a'bicara.

MATIUS 22:22

Nalangngere'na ke'nanga pappialinna Isa, a'jari lannasa' sikalimi ke'nanga. A'lampami ke'nanga ambokoi Isa.

YOHANES 1:19

Nisuromi imang-imanga siagang tu Lewia ri tu Yahudi anna'galaka koasa ri Yerusalem, mange akkuta'nang ri Yohanes, angkana, “Inaiko antu?”

MATIUS 22:33

Nalangngere'na tau jaia akkana kamma Isa, lannasa' ngasemmi ke'nanga ri pangngajaranNa.

1 SAMUEL 10:11

Sikamma tau angngasseng memangai la'bi riolo anjo Saul, nacini'na ke'nanga anjo panggaukanna, massing sikuta'nammi angkana, “Apa le'ba' kajariang mae ri anjo ana'na Kish? Apa a'jari na'bi tommi anjo Saul?”

YOHANES 7:11

Lalang nigaukanna anjo passua'-suarranga, niboyami Isa ri tukoasana ngaseng tu Yahudia. Akkuta'nammi ke'nanga angkana, “Kemaei Isa?”

YOHANES 7:13

Mingka tenanniakka manna sitau ero' a'bicara silambusu'na ri passala'na Isa, lanri malla'na ke'nanga ri tukoasana ngaseng tu Yahudia.

LAMPA-LAMPANA 4:13

Lannasa' ngasemmi anggota-anggotana anjo Pangadelanga anciniki kabaranianna Petrus siagang Yohanes. La'biangampa pole nanaassennamo ke'nanga angkanaya anjo Petrus siagang Yohanes tau biasaji bawang, tutenaya sikolana. Nasadarimi ke'nanga angkanaya anjo tau ruaya ana' gurunNa Isa.

YESAYA 29:12

Punna nierangi mae ri tau buta hurupuka, lappiali angkana takkulleai ammaca.