YOHANES 6:70 - KITTA' MATANGKASA'

⁷⁰ Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

YOHANES 6:70 Referans Kwoze

YOHANES 13:27

Tasalloai le'ba'na natarima Yudas anjo rotia, antama'mi Billisika ri atinna. Nakanamo Isa ri ia, “Gaukammi linta' apa eroka nugaukang.”

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

YOHANES 6:64

Mingka nia' todong tau ri alla'nu tena natappa'.” (Naasseng memammi Isa battu ri pakkaramulanna angkana inai-nai taeroka tappa', siagang inai langngalle-bokoi.)

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

LAMPA-LAMPANA 1:17

Anjo Yudas iami kalase'renna tau battua ri katte, siagang le'ba' tongi nipile untu' angngagangki' sipanjamang.” (

YOHANES 15:19

Ebara' angkana napatangko anne linoa, lanakamaseangko anne linoa salaku apa-apanna. Mingka le'ba' mako Kupile battu ri anne linoa, jari teai mako patanna linoa. Iaminjo saba'na nanakabirisiko linoa.

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

YOHANES 13:21

Le'ba'na akkana kamma Isa, a'jari dinging-dingimmi nasa'ring pa'mai'Na. Nakanamo, “Annaba tojengi anne kanangKu: Nia' sallang kalase'rennu ampasikongkolangA'.”

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

TITUS 2:3

Kammayatompa, parallu tongi nupakainga' tau toa bainea sollanna matangkasa' ke'nanga ri panggaukanna sangkamma siratannaya ri katallassanna tau anynyombaya ri Allata'ala. Takkulleai napitina paranna tau, siagang takkulleai tu'guru' cinnana ke'nanga mae ri inung-inungang terasaka. Musti napangngajarrangi ke'nanga apa-apa bajika;

LAMPA-LAMPANA 13:10

nampa nakana, “He, ikau paballe-balle lompoa, ana' tu sannaka ja'dala'na! Ikaumi musunna sikontu apa-apa bajika. Angngapa nutaeroka ampamari anrompa-rompai ero'Na Allata'ala untu' ampasalamaki rupataua?

YOHANES 2:2

Niundang tongi Isa siagang ana'-ana' gurunNa mange anjoreng ri pa'buntinganga.

YOHANES 6:67

Jari akkuta'nammi Isa ri sampuloa anrua ana' gurunNa Nakana, “Ero' ngaseng tongko a'lampa ambokoiA'?”

YOHANES 6:71

Anjo natabaya kananNa Isa, iamintu Yudas ana'na Simon Iskariot. Nasaba' manna kalase'renna tongi ri anjo sampuloa anrua ana' gurunNa Isa anjo Yudas, mingka iami langngalle bokoi Isa.

YOHANES 20:24

Nia' kalase'renna ri anjo ana' guru sampuloa anrua, iamintu Tomas, (nigallaraka i “Kambara'”), tenai ri wattunna Napappicinikang KalenNa Isa.