YOHANES 6:5 - KITTA' MATANGKASA'

⁵ Accini'na Isa mange ri tammuliliNa, Nacini'mi taua sanna' jaina battu a'duluru'. Jari Nakanamo ri Filipus, “Kemaeki' akkulle ammalli kanre, sollanna akkulle angnganre ngaseng anne taua?” (

YOHANES 6:5 Referans Kwoze

MATIUS 15:33

Akkuta'nammi ana'-ana' gurunNa ri Ia angkana, “Kemaeki' akkulle ampanggappangi kanre tau sikammaya anne jaina ri daera bella kammaya anne?”

YOHANES 4:35

Nukana ngaseng, ‘Patambulang mami nawattu pakkattoanga.’ Mingka Kukana ri kau: Cinikimi tana-tana didiamo asenna, sadiami lanikatto!

YOHANES 1:43

Ammukona, a'lampami Isa mange ri pa'rasangang Galilea. Assibuntulu'mi siagang Filipus, na Nakana ri ia, “Maeko amminawang ri Nakke!”

PAMMILANGNGANG 11:13

Kicini'mi, antekamma tulusu' akkunrarenna ke'nanga appala' dageng. Nampa kemae musti kupa'boyang dageng tau sikammaya anjo jaina?

MARKUS 6:32

Jari a'lampami ke'nanga a'dongko' biseang, mange ri tampa' sino-sinoa.

LUKAS 9:10

Ammotere'mi ana'-ana' gurunNa Isa. Nacarita ngasemmi ke'nanga mae ri Isa sikamma apa le'baka nagaukang ke'nanga. Nikio'mi ri Isa ke'nanga a'lampa anynya'la' ri kota Betsaida.

YOHANES 1:44

Anne Filipus, tau battu ri Betsaida, iamintu kota pammantanganna Andreas siagang Petrus.

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 1:46

Mingka appialimi Natanael nakana, “Maka akkulle tongi apa-apa bajika labattu ri Nazaret?” Appialimi Filipus nakana, “Mae mako nakalennu anciniki.”

YOHANES 1:48

Akkuta'nammi Natanael ri Isa, nakana, “Antekamma nakkullea' Kiasseng Bapa'?” Appialimi Isa Nakana, “Tenapa nanakiokko Filipus, naKucini'mako irawanganna poko' araya.”