YOHANES 6:35 - KITTA' MATANGKASA'

³⁵ Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

YOHANES 6:35 Referans Kwoze

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

YOHANES 6:41

Appakkaramulami a'moro-moro tu Yahudia mae ri Isa, lanri angkanaNa Isa, “INakkemi roti manurunga battu ri suruga.”

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

PAPPICINI' 7:16

Tena nalanakasia' ke'nanga nikanaya cipuru' yareka turere; tenamo nalanibambangi ke'nanga ri matanna alloa yareka ri bambanga;

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

LUKAS 6:25

Cilaka ngaseng mako tau bassoroka ri kamma-kammaya anne; nasaba' lanaalleko cipuru'! Cilaka ngaseng mako ikau tau ammakka'-makkalaka ri kamma-kammaya anne; nasaba' lasi'nai atinnu siagang langngarru'-arrukko!

YOHANES 6:65

Nakanamo pole Isa, “Iaminjo saba'na naKupauangko angkanaya tenanniakka manna sitau akkulle battu mae ri Nakke punna tena nisarei pakkulle ri Manggea.”

YOHANES 5:40

Mingka tena ngaseng nuero' battu mae ri Nakke sollanna nugappa katallassang mannannunganga.

YOHANES 4:15

Nakanamo anjo bainea, “Tuang, Kisarema' anjo je'neka, sollanna tenamo nakuturere poleang; siagang tenamo kuparallu pole battu angngalle je'ne' anrinni.”