YOHANES 6:24 - KITTA' MATANGKASA'

²⁴ Ri wattunna nacini' tau jaia angkanaya tenami Isa siagang ana'-ana' gurunNa anjoreng, nai' tommi ke'nanga ri biseanga nampa a'lampa ke'nanga mange ri Kapernaum amboyai Isa.

YOHANES 6:24 Referans Kwoze

YOHANES 6:17

Nampa nai' ke'nanga ri se'reang biseang, ero' a'limbang ri anjo tamparanga namange ri Kapernaum. Appakkaramulami sassang, mingka tena ijipi Isa battu mae ri ke'nanga.

MARKUS 1:37

Nabuntulu'na, nakanamo ke'nanga, “Yangaseng taua amboyaKi' Bapa'.”

YOHANES 20:15

Akkuta'nammi Isa ri ia Nakana, “Ibu', angngapa nakiangngarru'? Inai kiboya?” Nakapangi Maria angkana pajama koko anjo taua. Jari nakanamo, “Bapa', punna ikatte ampaletteki anjo mayaka, kitulunga' nakipauanga' angkana kemae kiboli', sollanna akkulle mae kualle.”

YOHANES 7:11

Lalang nigaukanna anjo passua'-suarranga, niboyami Isa ri tukoasana ngaseng tu Yahudia. Akkuta'nammi ke'nanga angkana, “Kemaei Isa?”

YOHANES 6:59

Yangasenna anjo Napaui Isa ri wattunNa angngajara' lalang ri balla' sambayanga ri Kapernaum.

YOHANES 6:23

Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.

LUKAS 8:40

Ri wattunna battu Isa anta'leang ri ba'leanna tamparanga, battumi taua anruppai. Sanna' ngaseng rannuna ke'nanga anruppai Isa, nasaba' sitabang memangi nitayang ri ke'nanga.

MARKUS 6:53

Battui ke'nanga anta'leang, anjoremmi ri biring Tamparang Genesaret a'biring.

MATIUS 14:34

Ri wattunna battumo ke'nanga ri ba'leanna anjo tamparanga, naummi ke'nanga ri Genesaret.

YOHANES 6:26

Appialimi Isa Nakana, “Sikontutojenna, iaji nanuboya ngasengA', teai lanri nupahannamo battuanna anjo gau'-gau' appakalannasa' le'baka Kugaukang, passangalinna lanri bassoro'nu ngasemmo angnganre.