YOHANES 6:20 - KITTA' MATANGKASA'

²⁰ Mingka Nakanamo Isa ri ke'nanga, “Teako mallakki, kaiNakke jinne!”

YOHANES 6:20 Referans Kwoze

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

MARKUS 6:50

ammarrang-marrammi ke'nanga napakamma malla'. Nasaba' nacini' ngasengi ke'nanga, siagang ta'bangka ngasengi ke'nanga anciniki. Mingka linta'mi a'bicara Isa ri ke'nanga Nakana, “Sannammako! INakke Isa. Teako mallakki!”

MARKUS 16:6

Nakanamo anjo tu rungkaya, “Teako mallakki! Kuassengi angkanaya Isa, anjo tu battua ri Nazaret, siagang le'baka nisalli' battu nuboya. Mingka cini'mi tenami anrinni ri tampa'Na niboli'. Le'ba'mi attallasa' poleang.

PAMMUJI 35:3

Angkaki paccokaTa siagang pokeTa nampa Kiewa tau angngondangia'. Kipaumi ri nakke angkana iKatte Tumappasalamakku.

YOHANES 6:19

Ri wattunna narapi'mo kira-kira lima yareka annang kilometere' bellana ke'nanga nia'mi nacini' Isa battu mae ri biseanna ke'nanga, a'jappa ri tompo'na je'neka. Namalla' sikalimo ke'nanga.

YOHANES 6:21

Sannammi atinna ke'nanga antarimai Isa antama' ri biseanga. Na anjo wattua anrapi' tommi ke'nanga mange ri tampa' natujua ke'nanga.