YOHANES 6:17 - KITTA' MATANGKASA'

¹⁷ Nampa nai' ke'nanga ri se'reang biseang, ero' a'limbang ri anjo tamparanga namange ri Kapernaum. Appakkaramulami sassang, mingka tena ijipi Isa battu mae ri ke'nanga.

YOHANES 6:17 Referans Kwoze

MARKUS 6:45

Le'baki anjo Nasuromi ana'-ana' gurunNa Isa a'lampa linta' a'dongko' biseang a'lampa riolo mange ri Betsaida, ri ba'leanna tamparanga. Na anjo tau jaia Nasuro ngasemmi ammotere'.

YOHANES 4:46

Le'baki anjo, ammotere'mi Isa mange ri Kana, ri Galilea. Anrinni minne le'ba' Isa ampinrai je'neka a'jari anggoro'. Anjoreng ri kotaya, nia' sitau pagawena karaenga, sitabang garring ana'na ri Kapernaum.

YOHANES 2:12

Le'baki anjo, a'lampami Isa mange ri Kapernaum. Sipa'rurungang ngasengi a'lampa amma'Na, sikamma sari'battanNa, kammayatompa ana'-ana' gurunNa. Ammantammi ke'nanga anjoreng siapa are allonna.

YOHANES 6:18

Na anjo wattua appakkaramulami lompo bombanga napakamma anging sarro.

YOHANES 6:59

Yangasenna anjo Napaui Isa ri wattunNa angngajara' lalang ri balla' sambayanga ri Kapernaum.