YOHANES 5:9 - KITTA' MATANGKASA'

⁹ Anjo wattua, a'jari baji'mi silalonna anjo taua. Naangka'mi tappere'na nampa a'jappa. Allo Pammari-mariang nakajariang anjo passalaka.

YOHANES 5:9 Referans Kwoze

MARKUS 10:52

Nakanamo Isa, “A'lampamako, nipakabaji' mako ri tappa'nu.” Anjo wattua accini' memammi silalonna anjo tau butaya. Nampa a'lampa amminawang ri Isa.

MARKUS 5:29

Najamami jubaNa Isa, nammari memammo silalonna nilari cera'. A'jari baji'mi Nakasia'.

MARKUS 1:42

Ammari memammi garrinna anjo wattua, na'jari baji'mo anjo taua.

MARKUS 1:31

Mangemi Isa anta'galaki limanna anjo matoang bainena Simon, nampa nabantu ambangung. Ammarimi rammusu', siagang appakkaramulami allayani ke'nanga.

YOHANES 7:23

Punna nugaukangi anjo kammaya sollanna tena nudakkai atorang napabattua Musa ri passala'na anjo sunnaka, angngapa nularro ri Nakke lanri Kuballeina taua sibatu kale ri allo Pammari-marianga?

YOHANES 5:14

Ribokoanganna, sibuntulu'mi Isa siagang anjo taua lalang ri Balla'Na Batara. Nakanamo Isa ri ia, “Kamma-kamma anne baji' mako. Tea' mako a'gau' dosai pole, sollanna tena nanukasiaki pole la'bi kodianganga.”

YESAYA 35:6

Tau pesoka la'lumpa'-lumpaki rapang jonga, tau pepea lakkio' rannui. Saba' timbuseng je'neka tassolommi ri parang luaraka, a'lo'loro'mi binangaya ri parang lompoa,

YEREMIA 17:21

Pabattui kamma anne: ‘Punna tena nuero' mate, teako angngangkaki barang punna allo Pammari-mariang, yareka nanuerang antama' allalo ri sikamma pakke'bu' lompona Yerusalem.