YOHANES 5:6 - KITTA' MATANGKASA'

⁶ Nacini'mi Isa anjo taua attinro anjoreng, na Naasseng angkanaya sallo sikalimi garring anjo taua. Akkuta'nammi Isa ri anjo taua Nakana, “Erokko a'jari baji'?”

YOHANES 5:6 Referans Kwoze

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

LUKAS 18:41

“Apa nukaeroki Kugaukang ri kau?” Appialimi anjo tau butaya nakana, “O Batara, erokka' accini'.”

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

YESAYA 65:1

Nakana Batara, “SadiaMa' ero' appiali ri ummakKu, mingka tena nappala' doang ke'nanga mae ri Nakke. SadiaMa' nibattui ri ke'nanga, mingka taerokai ke'nanga amboyA'. Anjo bansaya tena nakkio' ri Nakke, manna pole sadiaMa' lappiali: Anne nia'jA'!

PAMMUJI 142:3

Akkunrarenga' ri dallekanNa; kupaui sikontu kasusaangku mae ri Ia.

YEREMIA 13:27

Le'ba'mi Kucini' nugaukang sikamma apa-apa tenaya naKungai. Kucini'mi nuondang rewata-rewata maraenga ri buluka siagang ri kokoa, rapang sitau bura'ne a'lingu-lingu ero' mae ri bainenna taua, yareka jarang laki balere' dudua mae ri jarang ganaya. He pandudu'na Yerusalem, cilaka mako! Angngapapi nulata'lappasa' battu ri sikontu kaja'dallanga?”

YOHANES 5:5

Anjoreng ri tampaka, nia' sitau bura'ne tallumpulomi assagantuju taung sallona garring.

YOHANES 5:7

Appialimi anjo taua nakana, “Bapa', tena tau anrinni ero' angngeranga' naung ri kollanga punna ta'goccang je'ne'na. Siagang punna erokka' antama', nia'mo tau rioloangang antama' ri anne balanga.”