YOHANES 5:45 - KITTA' MATANGKASA'

⁴⁵ Teako angkanai laKupassalako ri dallekanNa Manggea. Ia lampassalayako sallang, iamintu Musa, iamintu tau nurannuanga.

YOHANES 5:45 Referans Kwoze

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

ROMA 2:12

Dorakai bansa-bansa maraenga, mingka tanaassengai hukkung agamana tu Yahudia. Jari nihukkungi ke'nanga ri pantaranganna anjo hukkung-hukkung agama Yahudia. Mingka dorakai tu Yahudia ri wattu naassennamo anjo hukkung-hukkunga; jari lanihukkungi ke'nanga situru' anjo hukkung-hukkunga.

YOHANES 7:19

Sai le'ba'mi napassareang Musa ri kau ngaseng sikamma Naparentakanga Allata'ala? Mingka tenanniakka ri kau ngaseng anggaukangi anjo Naparentakanga. Angngapa nanuero' ngaseng ambunoA'?”

YOHANES 8:9

Nalangngere'na ke'nanga akkana kamma Isa, a'lampa tasse're-se'remi ke'nanga ambokoi anjo tampaka, appakkaramula kaminang toaya. Kala'busanna Isa mami ammantang siagang anjo bainea ammenteng ri pammentenganna.

LUKAS 16:29

Appialimi Abraham nakana, ‘Nia'mo ri ke'nanga kitta'-kitta'na Na'bi Musa siagang kitta'-kitta'na na'bi-na'bi maraenganga! Boli'mi kamma nanaturuki ke'nanga sikamma apa tattulisika lalang ri anjo kitta'-kittaka!’

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.