YOHANES 5:30 - KITTA' MATANGKASA'

³⁰ “Tena apa-apa akkulle Kugaukang punna battu ri ero' KalengKu bawang. Punna angngadeliA', lanri parentaNa bawang Allata'ala Kuturuki. Na adeleki punna iNakke angngadeli, lanri teai erokKu Kuturuki, passangalinna ero'Na Manggea assuroA' battu.

YOHANES 5:30 Referans Kwoze

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

YOHANES 5:19

Appialimi Isa mae ri yangasenna anjo taua angkana, “Patappa'mi angkanaya, takkulleai Anaka anggaukangi apa-apaya punna lanri koasaNa bawang. Iaji bawang Nagaukang apa le'baka Nacini' Nagaukang ManggeNa. Nasaba' apa-apa Nagaukang ManggeNa, ia tomminjo Nagaukang Anaka.

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

YOHANES 14:10

Filipus! Maka tena nutappa' angkanaya iNakke asse'reA' ri Manggea, siagang anjo Manggea asse'rei siagang iNakke? Apa Kupaua ri kau teai battu ri ero' KalengKu bawang naKupau. Manggea, tuli niaka asse're siagang KalengKu, Iami anggaukang ngasengi anjo passalaka.

MATIUS 26:39

A'lampa bella-bellami Isa sike'de' mange ri dallekang, nampa su'ju' naung ri buttaya appala' doang angkana, “O, ManggeKu, ka'de' nia' kulleanna, pabellami anne passessaya ri Nakke. Mingka teaKi' naerokKu anjari, passangalinna erotTamo anjari.”

YOHANES 8:28

Jari Nakanamo Isa ri ke'nanga, “Punna nipakatinggimi sallang Ana' Ma'rupataua, lanuasseng ngasemmi angkanaya, ‘INakkeminne nikanaya INAKKE NIA'.’ Siagang lanuassemmi angkanaya tena manna sirupa apa Kugaukang lanri ero' KalengKu. Mingka poro apa battuaji bawang ri Manggea Kupangngajarrang.

ROMA 15:3

Nasaba' manna Almasi teai kasannangang KalenNa Nanawa-nawa. Nia' tattulisi' lalang ri Kittaka angkanaya, “Sikontu paccalla lamangea ri kalennu, tu'guru' mange ngasemmi ri Nakke.”

YOHANES 8:50

Teai kala'birang untu' KalengKu Kuboya. Nia' se're ampa'boyangA' kala'birangKu, na Iami langngadeli taua.

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.

YOHANES 17:4

Kupa'le'ba'mi jama-jamang Kipassuroanga ri Nakke, sollanTa akkulle Kupakala'biri' ilalang lino.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

YOHANES 18:11

Nakanamo Isa ri Petrus, “Poterangi antama' ri banoanna antu pa'dannu! Apa nakana pikkirannu talaKutarimayai passessa Napassareanga Manggea mae ri Nakke?”

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

ROMA 2:2

Niassemmi angkanaya punna Napabattumi hukkunganNa Allata'ala mae ri sikamma tau a'gau' kammaya anjo, anjo hukkunganga siratang memang tongi.

YESAYA 28:6

LaNasarei Batara kaadelang sikamma hakinga, kabaraniang mae ri sikamma tau tugasaka anjagai kotaya battu ri pa'bakkana musua.

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.