YOHANES 5:27 - KITTA' MATANGKASA'

²⁷ Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

YOHANES 5:27 Referans Kwoze

LAMPA-LAMPANA 10:42

Na Nasuromo anne ikambe ampabattui anjo Kabara' Bajika mange ri sikontu rupataua. Kammayatompa a'jari sa'bi angkanaya Iami niangka' ri Allata'ala a'jari Haking mae ri sikontu tau attallasaka ija siagang tau mateamo.

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

YOHANES 5:22

KalenNa Manggea tena Naadeli se'rea tau. Sikontu koasaya untu' angngadeli taua le'ba'mi Napassareang mae ri Ana'Na.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

PAMMUJI 110:6

LaNahukkungi bansa-bansaya, sa'genna tassiara' maya'na ngaseng. Lapapossoki sikamma tukoasaya ri sikontu linoa.

MATIUS 9:6

Mingka kamma-kamma anne erokKa' ampa'buttiangko angkanaya makoasai Ana' Ma'rupataua ampammopporangi dosaya ri lino.” Nampa Nakana Isa ri anjo tau pesoka, “Ambangungko nai', angkaki katinroannu, siagang ammotere' mako!”

YOHANES 9:39

Nakanamo Isa, “BattuA' antama' ri anne linoa untu' angngadeli; sollanna akkulle accini' tau butaya, na'jari buta tau accinika.”

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.