YOHANES 5:22 - KITTA' MATANGKASA'

²² KalenNa Manggea tena Naadeli se'rea tau. Sikontu koasaya untu' angngadeli taua le'ba'mi Napassareang mae ri Ana'Na.

YOHANES 5:22 Referans Kwoze

YOHANES 5:27

Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LAMPA-LAMPANA 10:42

Na Nasuromo anne ikambe ampabattui anjo Kabara' Bajika mange ri sikontu rupataua. Kammayatompa a'jari sa'bi angkanaya Iami niangka' ri Allata'ala a'jari Haking mae ri sikontu tau attallasaka ija siagang tau mateamo.

YOHANES 9:39

Nakanamo Isa, “BattuA' antama' ri anne linoa untu' angngadeli; sollanna akkulle accini' tau butaya, na'jari buta tau accinika.”

2 TIMOTIUS 4:1

Labattu poleangi Isa Almasi antama' ri anne linoa untu' angngadeli sikontu tau attallasaka siagang tau matea; siagang labattui untu' ammarenta, a'jari Batara. Iami anjo saba'na nakupala' tojeng-tojeng mae ri kau, ri dallekanNa Allata'ala siagang Isa Almasi:

ROMA 2:16

Kammaminjo lakajarianga sallang ri allo le'bakamo nipattantu. Ri anjo alloa – situru' Kabara' Baji' kubirittakanga – laNaadeli Allata'ala lalang Isa Almasi rahasia atinna siagang rahasia pikkiranna sikontu rupataua.

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

1 PETRUS 4:5

Mingka musti nituntuki sallang ke'nanga ri Allata'ala, Ia sadiayamo untu' angngadeli sikontu tau attallasaka siagang tau matea.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

YOHANES 3:35

Nakamaseangi Manggea Ana'Na, na Napassareang ngasemmo koasaya ri Ana'Na.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

KATO'BA 12:14

LaNaadeli ngasengi Allata'ala sikontu panggaukanta; ia bajika siagang kodia, ba'lalo manna pole toccokkoa.