YOHANES 4:50 - KITTA' MATANGKASA'

⁵⁰ Nakanamo Isa ri ia, “A'lampamako, a'jari baji' mintu ana'na.” Tappa'mi anjo taua ri kananNa Isa, nampa a'lampa.

YOHANES 4:50 Referans Kwoze

MATIUS 8:13

Le'baki anjo Nakanamo Isa mange ri anjo perwiraya, “Ammotere' mako mange ri balla'nu, a'jarimi antu apa nukatappakia.” Naanjo wattua baji' memammi ri garrinna pajamana anjo perwiraya.

LUKAS 17:14

Ri wattunna Nacini' Isa ke'nanga, Nakanamo ri ke'nanga, “A'lampamako mae ri imang-imanga, nampa nupala' nanaparessa ke'nanga batangkalennu.” A'lampami anjo sampuloa tau garring sala mae ri imang-imanga. Na lalang a'jappana ke'nanga mange anjoreng, ti'ring ammari ngasemmi garring sala appakamalla'-malla'na ke'nanga.

IBRANI 11:19

Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.

YOHANES 11:40

Nakanamo Isa ri Marta, “Sai le'ba' mako Kupauang angkanaya: Punna tappakko, lanuciniki antekamma lompona koasaNa Allata'ala!”

YOHANES 4:49

Appialimi anjo pagawena karaenga, “O, Tuang, akkaro-karoKi' battu, ri tenanapa namate anakku.”

YOHANES 4:51

Ri tangngana aganga battumi palayang-palayanna anruppai nangngerang kabara' angkana, “A'jari baji'mi anatta tuang.”

1 KARAENG-KARAENG 17:16

Siagang sangkamma apa le'bakamo Napau Karaeng Allata'ala tete ri Na'bi Elia, anjo mangkoka tuli nia'na labu' bonena, siagang anjo pole botoloka tuli nia'na minynya' bonena.