YOHANES 4:5 - KITTA' MATANGKASA'

⁵ Jari anrapi'mi Isa mange ri se'reang kota ri Samaria, iamintu niarenga kota Sikhar. Anjo kotaya tena nabella battu ri tampa' le'baka napassareang Yakub mae ri ana'na iamintu Yusuf.

YOHANES 4:5 Referans Kwoze

YOSUA 24:32

Maya'na Yusuf, naeranga umma' Israel battu ri Mesir, nitarawangi ri Sikhem, iamintu butta naballia Yakub sibilangngang doe' pera' battu ri ana'-ana'na Hemor, manggena Sikhem. Anjo buttaya niwarisiki mae ri jari-jarina Yusuf.

PA'JARIANG 33:19

Anjo parang napattampakia ambangung kema, naballi battu ri tu turungang Hemor, manggena Sikhem, naballinna sibilangngang doe' pera'.

PA'JARIANG 48:22

Ri kaumi, teai ri sikamma sari'battannu kupassareang Sikhem, anjo daera coppong le'baka kurampasa' battu ri tu Amori siagang pa'dang na panaku.”

YOHANES 4:12

Boe-boena ikambe iamintu Yakub ansareki' anne bungunga. Ia kalenna, battu anrinni tongi angngalle je'ne' lanainunga; kammayatompa ana'-ana'na siagang olo'-olo' naparakaia, anrinni ngasengi angngalle je'ne' inung. Maka Kikana lompoangangKi' na Yakub?”

1 KARAENG-KARAENG 13:32

Anjo apa le'baka napau lanri parentaNa Batara ri anjo tampa' pakkoro'bangnganga ri Betel siagang ri sikontu tampa' passambayanganga ri kota-kota Samaria, mattantu lakajariangi.”

LUKAS 9:52

Nasuromi taua a'lampa riolo. A'lampami anjo tau Nasuroa a'lampa, nampa antama' ri se'reang kampong ri Samaria. Napasadiami anjoreng sikamma apa naparalluanga Isa.

YOHANES 4:6

Anjoreng nia' se're bungung, niarenga bungung Yakub. Sanna' mangnganna Isa napakamma pa'jappang. Jari assengkami ammempo ri birinna anjo bungunga. Anjo wattua kira-kira tette' sampulo anrua ri alloa.

YOHANES 4:39

Jai tu Samaria niaka anjoreng ri kotaya a'jari tappa' ri Isa. Nasaba' nakana anjo bainea, “Napauang ngasenga' sikontu apa-apa le'baka kugaukang.”