YOHANES 4:46 - KITTA' MATANGKASA'

⁴⁶ Le'baki anjo, ammotere'mi Isa mange ri Kana, ri Galilea. Anrinni minne le'ba' Isa ampinrai je'neka a'jari anggoro'. Anjoreng ri kotaya, nia' sitau pagawena karaenga, sitabang garring ana'na ri Kapernaum.

YOHANES 4:46 Referans Kwoze

LUKAS 8:42

nasaba' garringi ana' bainena sitau-taua sampulo anrua taung umuru'na, siagang a'biring dudumi mate. Lalang a'jappaNa Isa mange ri balla'na Yairus, battumi taua attammulili siagang siassa'-assa', mae ri Isa.

LUKAS 7:2

Anjoreng nia' se're perwira surudadu Roma. Anne perwiraya, nia' palayanna, sannaka nakarimangnginna. Na anjo palayanna natabai garring sanna', siagang lamate dudumi.

MATIUS 15:22

Nia'mo sitau baine tu Kanaan niaka anjoreng ri daeraya battu mae ri Isa akkiok-kio' angkana, “O Ana'na Daud, Kikamaseanga'! Napantamakki setang ana' baineku. Sanna' dudumi sessana!”

MATIUS 9:18

Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

YOHANES 21:2

Nia' se're allo na'rappungang Simon Petrus, Tomas nigallaraka i Kambara', Natanael battua ri Kana ri Galilea, ana'-ana'na Zebedeus, siagang rua ana' gurunNa Isa maraenganga.

PAMMUJI 78:34

Kere wattu naNabuno Allata'ala siapa are jaina ri ke'nanga, assesse'lalammi maraenga nammotere' mae ri Ia.

YOSUA 19:28

Ebron, Rehob, Hamon, siagang Kana, sa'genna mange ri Sidon bellana.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

LUKAS 4:23

Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”

YOHANES 2:12

Le'baki anjo, a'lampami Isa mange ri Kapernaum. Sipa'rurungang ngasengi a'lampa amma'Na, sikamma sari'battanNa, kammayatompa ana'-ana' gurunNa. Ammantammi ke'nanga anjoreng siapa are allonna.