YOHANES 4:40 - KITTA' MATANGKASA'

⁴⁰ Jari wattunna assibuntulu' anjo tu Samariaya siagang Isa, napala' dudumi ke'nanga sollanna ammantang Isa siagang ke'nanga. Jari ammantammi Isa ruangallo.

YOHANES 4:40 Referans Kwoze

PAPPICINI' 3:20

Ciniki! NiakKa' ammenteng ri dallekang pakke'bu' siagang akkatto' pakke'bu'. Punna nia' allangngereki sa'rangKu, nanasungkeangA' pakke'bu', lantamakKa' ambuntuli; lasipangnganreangA' siagang ia, siagang lasipangnganreangi siagang iNakke.

LAMPA-LAMPANA 16:15

Nije'ne'mi Lidia siagang sikontu bone balla'na. Le'baki nije'ne', nakio' maki' mange ri balla'na. Nakana Lidia, “Punna kipikkiri' ngasengi angkanaya ma'nassa tappa' tojeng-tojemma' ri Isa, umbamo kimange a'bangngi ri ballakku.” Napala' dudumi sollanna niturukiang pappala'na.

LUKAS 24:29

mingka nitahammi ri ke'nanga. Nakana ke'nanga ri Ia, “Ammantang maKi' ri balla'na ikambe, nasaba' la'birimmi bangngi siagang appakkaramula tommi sassang.” Jari antama'mi Isa ri balla'na ke'nanga nammantang a'bangngi.

LUKAS 8:38

Napala' dudumi ri Isa anjo tau le'baka nilappassang ri setanga sollanna nikellai amminawang ri Isa. Mingka nisuromi a'lampa ri Isa.

YEREMIA 14:8

IKatteji bawang panrannuanna Israel, ampasalamakai ikambe battu ri balaya. Mingka angngapa Kikamma tau maraeng ri pa'rasanganna ikambe, rapang pajappa battu bella poro assengka bawang sipattang nampa a'lampa?

KELONG MALA'BIRI' 3:4

Silalonna kubokoi ke'nanga, kugappami tu ta'dongkoka ri atingku. Kuta'gala'mi, taeroka' allappassangi sa'genna kuerang mange ri balla'na ammakku, ri bili'na tungnganakkangku.

PANGNGEBARANG 4:13

Tuli u'rangi ajarang le'baka nutarima battu ri nakke. Jagai anjo baji'-baji', saba' lanri anjo pangngajaraka nalangngerang wassele' tallasa'nu.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

LUKAS 10:39

Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

YOHANES 4:39

Jai tu Samaria niaka anjoreng ri kotaya a'jari tappa' ri Isa. Nasaba' nakana anjo bainea, “Napauang ngasenga' sikontu apa-apa le'baka kugaukang.”

YOHANES 4:41

Ribokoanganna, pila' jaimi tau tappa' ri Isa, lanri apa-apa Napangngajarranga kalenna ri ke'nanga.

YOHANES 4:43

Ri wattunna ruangallomo ammantang Isa ri Sikhar, a'lampami mange ri Galilea.

LAMPA-LAMPANA 8:8

Sanna'mi rannuna tau niaka ri Samaria.