YOHANES 4:3 - KITTA' MATANGKASA'

³ Ri wattunna Naasseng Isa angkanaya nalangngere'mi tu Farisia anjo passalaka, a'lampami battu ri Yudea mange ri Galilea.

YOHANES 4:3 Referans Kwoze

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

YOHANES 11:54

Lanri kammana, tenamo Napappicinikangi KalenNa Isa ri dallekanna tau jaia ri tangnga-tangngana tu Yahudia. Nabokoimi Yudea, nampa a'lampa mange ri kota niarenga Efraim, a'reppeseka ri parang lompoa. Ammantammi anjoreng siagang ana'-ana' gurunNa.

YOHANES 10:40

Ammotere'mi Isa anta'leang ri ba'leanna Binanga Yordan, ri tampa'na Yohanes anje'neki taua pirangalloang. Ammantammi anjoreng.

YOHANES 3:22

Le'baki anjo, a'lampami Isa siagang ana'-ana' gurunNa mange ri Yudea. Ammantammi siagang ke'nanga siapa are sallona, siagang anje'ne'mi tau.

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 1:43

Ammukona, a'lampami Isa mange ri pa'rasangang Galilea. Assibuntulu'mi siagang Filipus, na Nakana ri ia, “Maeko amminawang ri Nakke!”

MARKUS 3:7

A'lampami Isa siagang ana'-ana' gurunNa mange ri Tamparang Galilea. Jai sikalimi tau battu ri Galilea ampinawangi Isa. Jai todong battu ri Yudea,

YOHANES 3:32

Ia nabicara apa-apa le'baka Nacini' siagang Nalangngere', mingka tenanniakka manna sitau ampatappaki kasa'bianNa.

LUKAS 17:11

Lalang a'jappaNa Isa mange ri Yerusalem, anjorengi ri pa'baeng-baenna daera Samaria siagang Galilea angngolo.

YOHANES 4:47

Nalangngere'na angkana niaki Isa battu ri Yudea mange ri Galilea, a'lampami mae ri Isa. Napala'mi sollanna mange Isa ri Kapernaum na Naballei ana'na la'biring duduamo mate napakamma garring.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.