YOHANES 4:25 - KITTA' MATANGKASA'

²⁵ Nakanamo anjo bainea ri Isa, “Kuassengi angkanaya labattui Karaeng Mappasalamaka (nigallaraka Almasi). Punna niaki battu, Iami lampauang ngasengki' sikontu apa-apa tenaya nipahangi.”

YOHANES 4:25 Referans Kwoze

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 4:42

Nakanamo ke'nanga ri anjo bainea, “Tappa' ngaseng maki' anne, mingka teai lanri apa nupaua bawang ri kambe; mingka lanri kalennami ikambe allangngereki, naniassemmo angkanaya Ia memang tommi Karaeng Mappasalama'na anne linoa.”

YOHANES 4:29

“Umba mange anciniki tau akkullea ampauanga' sikontu apa le'baka kugaukang. Maka Iami kutadeng anjo taua Karaeng Mappasalamaka?”

YOHANES 4:39

Jai tu Samaria niaka anjoreng ri kotaya a'jari tappa' ri Isa. Nasaba' nakana anjo bainea, “Napauang ngasenga' sikontu apa-apa le'baka kugaukang.”

MATIUS 27:17

Jari wattunna a'rappungammo tau jaia, akkuta'nammi Pilatus ri ke'nanga nakana, “Kereanga nupala' lakulappassang? Isa Barabas yareka Isa nigallaraka Almasi?”

MATIUS 27:22

Akkuta'nammi Pilatus ri ke'nanga nakana, “Jari apa lakugaukangi ri anne Isa, nigallaraka Almasi?” Appialimi ke'nanga angkana, “Allei Salli'!”

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.