YOHANES 3:13 - KITTA' MATANGKASA'

¹³ Tenanniakka tau le'ba' nai' ri suruga, pantaranganna Ia manurunga antama' ri linoa, iamintu Ana' Ma'rupataua.

YOHANES 3:13 Referans Kwoze

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

LAMPA-LAMPANA 2:34

Kalenna Daud tanaikai ri suruga, mingka angkanai Daud, ‘Nakana Batara mae ri Bataraku:

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

1 KORINTUS 15:47

Adam rioloa butta nipa'jari, mingka Adam makaruaya battu ri suruga assala'na.

YOHANES 13:3

Naassemmi Isa angkanaya le'ba'mi Napassareang ngaseng ManggeNa sikontu koasaya mae ri KalenNa. Na Naasseng todong angkanaya Ia battui ri Allata'ala, nalammotere' poleang mae ri Allata'ala.

ROMA 10:6

Mingka ri passala' antekamma carana taua assibajiki siagang Allata'ala situru' katappakkang mae ri Allata'ala, kammaminne nakana lalang ri Kittaka, “Tea' mako angkanai lalang ri atinnu, ‘Inaika lanai' ri suruga?’ (battuanna angngerangi naung Almasi),

YOHANES 6:62

Antekamma sallang kajarianna punna nucini' Ana' Ma'rupataua nai' ammotere' ri tampa' Nakabattuia?

YOHANES 3:31

Ia niaka battu rate ri suruga, iami la'biangang na sikamma apa-apa maraenganga. Apa battua ri lino, antamai ri golonganna tu linoa, siagang passala' apa-apa ri lino nabicara. Ia niaka battu rate la'biangangi na sikamma apa-apa maraenganga.

YOHANES 6:46

Mingka manna nakamma, tenanniakka tau le'ba' anciniki Manggea. Tena ruanna Ia anjo battua ri Allata'ala, le'ba' anciniki Manggea.

YOHANES 6:42

Nakanamo ke'nanga, “Sai iaminne Isa, ana'naya Yusuf? Naassengi ikambe amma'Na siagang manggeNa! Antekamma lakkulle Nakana KalenNa tu manurungi battu ri suruga?”

PAOLE 30:12

Tena narate ri langika ammantang. Tea' mako akkuta'nangngi angkana, ‘Inai lanai' anjoreng untu' angngerangi naung mae ri katte, sollanna akkulle nipilangngeri siagang nituruki?’

YOHANES 17:5

Bapa'! Kipakala'biri'Ma' kamma-kamma anne ilalang KalenTa, situru' kala'birang le'baka nipa'jului riolo, ri wattu tenanapa nanipa'jari anne linoa.

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

EFESUS 1:23

Anjo jama'aka sanrapangi TubuNa Almasi; Iami lampassukkuki baji'na sikontu apa-apa niaka ri kere-keremae.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

YOHANES 3:12

Tena nutappa' punna Kucarita ri kau ngaseng passala' apa-apa lalanga ri anne linoa; jari antekammako latappa' punna Kucarita ri kau passala'na surugaya?