YOHANES 3:11 - KITTA' MATANGKASA'

¹¹ Patappa'mi angkanaya: nipauang mako apa naassenga ikambe; siagang apa nacinikamo ikambe iatomminjo bawang nasa'bi ikambe; mingka tena ngaseng nuero' ampatappaki kasa'bianna ikambe.

YOHANES 3:11 Referans Kwoze

YOHANES 8:38

Apa Kucinika ri ManggeKu, iaminjo Kupau. Na ikau ngaseng, nugaukang tonji apa napangngajarang manggenu ri kau.”

YOHANES 14:24

Inai-nai tena nakamaseangA', tanaturukiai ajarangKu. Anjo pangngajarang nulangngereka, teai pangngajarang battu ri Nakke, passangalinna pangngajarang battu ri Manggea, assuroa ri Nakke.

YOHANES 12:49

Nasaba' teai battu ri ero' KalengKu naKupabattu anjo bicaraya; Manggea assuroA', Iami ampassuroangi ri Nakke apa musti Kupau siagang Kupabattu.

YOHANES 8:14

Appialimi Isa Nakana, “Manna naiNakke tonji ansa'bi KalengKu, mingka annabai anjo kasa'biangKu; nasaba' Kuassengi angkana battu kemae kabattuangKu, siagang kemae laKulampai. Ikau tena nuassengi angkana battu kemae kabattuangKu siagang kemae laKulampai.

YOHANES 7:16

Appialimi Isa Nakana, “Apa Kupangngajaranga teai pangngajarangKu, mingka pangngajaranNa ia anjo assuroA ri Nakke.

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

YESAYA 65:2

Tuli sadiaKu ero' antarimai ummakKu, mingka nangai ke'nanga angngewa. Anjo bansaya nagaukangi ja'dalaka siagang ero' kalenna naturukiang.

YOHANES 1:11

Battui ri pa'rasangang KalenNa mingka tanitarimayai ri bansaNa.

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

LAMPA-LAMPANA 22:18

Kucini'mi Batara; Nakana mae ri nakke, ‘A'lampako linta' ambokoi Yerusalem. Nasaba' taerokai taua anrinni antarimai kasa'biannu mae ri Nakke.’

YOHANES 5:43

Lalang koasaNa Allata'ala naKubattu, mingka taerokako antarimA'. Mingka punna nia' tau battu lalang areng kalenna, ero'jako antarimai.

YOHANES 3:13

Tenanniakka tau le'ba' nai' ri suruga, pantaranganna Ia manurunga antama' ri linoa, iamintu Ana' Ma'rupataua.

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.

YOHANES 3:12

Tena nutappa' punna Kucarita ri kau ngaseng passala' apa-apa lalanga ri anne linoa; jari antekammako latappa' punna Kucarita ri kau passala'na surugaya?

YOHANES 8:26

Jai iji passala' laKupau ri kau ngaseng siagang laKuadeliangko. Mingka Ia assuroA ri Nakke akkullei nipatappa'. Na Kupabattumi ri lino apa le'baka Kulangngere' battu ri Ia.”