YOHANES 21:7 - KITTA' MATANGKASA'

⁷ Nakanamo anjo ana' guru Nakamaseanga Isa ri Petrus, “Batara anjo!” Nalangngere'na Simon Petrus angkanaya Batara anjo, napakemi bajunna (nasaba' tena na'baju anjo wattua) nampa a'lumpa' naung ri je'neka.

YOHANES 21:7 Referans Kwoze

YOHANES 13:23

Anjo ana' guru Nakamaseanga Isa niaki ammempo ri sa'rinNa Isa.

YOHANES 20:2

Jari larimi mange amboyai Simon Petrus siagang anjo ana' guru Nakamaseanga Isa, nampa nakana ri ke'nanga, “Nia' le'ba' angngallei maya'Na Batara, natakuassengai angkana kemaei naboli'.”

YOHANES 19:26

Nacini'Na Isa amma'Na siagang anjo ana' gurunNa Nakamaseanga ammenteng anjoreng, Nakanamo ri amma'Na, “Amma', anjo mae anatta.”

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

YOHANES 21:24

Iaminjo ana' gurua assarea kasa'biang ri passala'na ngaseng anne apa-apa kajarianga. Iatommi antulisiki anjo kasa'bianga. Na niasseng angkanaya kontutojengi anjo apa napaua.

YOHANES 21:20

Ri wattunna assaile Petrus, nacini'mi anjo ana' guru Nakamaseanga Isa nia' ri bokona. (Iaminne anjo ana' guru a'reppeseka ri Isa ri wattunna angnganre bangngi ke'nanga siagang akkuta'nanga ri Isa angkana, “O Batara inai ero' lampasikongkolangKi' Batara?”)

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

LAMPA-LAMPANA 2:36

Iaminjo saba'na namusti naasseng tojeng-tojeng sikontu bansa Israel angkanaya anjo Isa, le'baka nusalli', Iatommi anjo Isa le'baka Naangka' Allata'ala a'jari Batara siagang Karaeng Tumappasalamaka!”

LUKAS 7:47

Sitojeng-tojenna, lanri lompo kammana pangngamaseanna ri Nakke, na ma'nassamo angkanaya nipammopporammi dosa-dosana sannaka jaina. Punna sike'de'ji nipammopporangangi dosana taua, sike'de' tonji pangngamaseanna.”

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.

MARKUS 11:3

Na punna nia' tau akkuta'nang ri kau angkana apa saba'na nanulappassang anjo keledaia, angkana mako, ‘Naparalluangi Batara, siagang lalinta'ji Napoterang.’ ”

KELONG MALA'BIRI' 8:7

Manna je'ne' jai takkulei nabuno pepe'na passingaianga, na a'baya takkulleai naanyukkang. Punna nia' tau ampassareangi sikontu barang-baranna untu' amballi passingaianga, mattantu poro pa'hinaji bawang lanagappa.

PAMMUJI 118:23

Iaminjo gau'Na Batara, tamaka malompona mae ri katte.

YAKOBUS 2:1

Sikamma sari'battangku! Salaku tau tappa' mae ri Batara Isa Almasi, Batara Kaminang Mala'birika, tea' laloko passimmara'-maraengi parannu tau situru' apa nacinika mata.

1 KORINTUS 15:47

Adam rioloa butta nipa'jari, mingka Adam makaruaya battu ri suruga assala'na.

YOHANES 20:28

Nakanamo Tomas ri Isa, “O Bataraku, siagang Allata'alaku!”

YOHANES 20:20

Le'baki akkana kamma, Napappicinikammi limanNa siagang sa'rinNa mae ri ke'nanga. Sanna' ngasemmi rannuna ke'nanga ri wattunna nacini' Batara.

LUKAS 12:35

“A'jaga-jagako ilalang passala' apa-apa mamo. Musti tuli sadiako ammakeang siagang musti tuli a'rinrai lampunnu;

YOHANES 21:8

Amminawang ngaseng tommi a'biseang ana'-ana' guru maraenga mae ri biring tamparanga, nanabeso' todong anjo jala rassia juku'. Tena nasiapa bellana ke'nanga battu ri bontoa. Kira-kira sibilangnganji metere' bellana.