YOHANES 21:19 - KITTA' MATANGKASA'

¹⁹ (Lalang akkana kammana anjo Isa, Napaumi angkanaya antekamma sallang batena lamate Petrus lanri ero'na ampakala'biriki Allata'ala.) Le'baki anjo, Nakanamo Isa ri Petrus, “Amminawang mako ri Nakke!”

YOHANES 21:19 Referans Kwoze

2 PETRUS 1:14

Nasaba' kuassengi angkanaya tasalloami nalakubokoi anne linoa, lanri le'ba'ma' Napauang baji' Batarata Isa Almasi.

YOHANES 21:22

Appialimi Isa Nakana, “Ebara' angkana erokKa' natuli attallasa'na sa'gengKu battu poleang sallang, anjo teai urusannu. Mingka ikau, amminawang mako ri Nakke!”

MATIUS 10:38

Siagang inai-nai taeroka ampisangi salli'na nampa amminawang ri Nakke, tasiratanga tongi amminawang ri Nakke.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

YOHANES 12:33

Nakkana kamma anjo Isa, lanri eroki Napappiassengang antekamma bateNa lamate sallang.

1 SAMUEL 12:20

Appialimi Samuel angkana, “Teako mallakki; manna pole le'ba'mi nugaukang anjo kaja'dallanga, teako a'bokoi battu ri Batara, passangalinna tuli anynyombako ri Ia situlusu'na atinnu.

YOHANES 18:32

Kajariammi anne kammaya, sollanna a'rupamo apa le'baka Napau Isa, ri passala' antekamma bateNa lamate.)

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

PAMMILANGNGANG 14:24

Mingka tena nakamma anjo mae ri atangKu Kaleb. Ia tena mamminrana mae ri Nakke. Lanri kammana anjo laKuerangi mange anjoreng ri pa'rasangang le'baka napantamakki. Kamma-kamma anne tu Amalek siagang tu Kanaan ammantang ri anjo lapparaka. Mingka anjo daeraya la'jari napatangi jari-jarina Kaleb, anjo atangKu. Ammuko musti ammoterekko siagang a'lampako mange ri parang lompoa mangea ri biring Tamparang Akaba.”

MATIUS 8:22

Mingka appialimi Isa Nakana, “Amminawang mako ri Nakke; lappassang tommi tau matea nanatarawang tau matena.”

YOHANES 21:18

Annaba sikali anne kanangKu: Angkanaya ri wattunnu rungka ija, kalennu ansikkoki aya'nu, siagang a'lampako ri kere-keremae situru' ero'nu. Mingka punna toa mako sallang, lanupajonjomi limannu, na tau maraeng ansikkokko, nampa naerangko a'lampa mae ri tampa' tanukaerokia.”