YOHANES 20:26 - KITTA' MATANGKASA'

²⁶ Sidaminggu ribokoanganna, nia'mi pole a'rappungang anjo ana'-ana' gurunNa Isa ri anjo tampaka. Anjo wattua nia' tommi Tomas. Ta'joli ngasengi pakke'buka. Mingka nia'mi battu ammumba Isa siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

YOHANES 20:26 Referans Kwoze

YOHANES 20:19

Ri ia memang anjo allo Minggua, ri wattunna bangngimo, a'rappungammi ana'-ana' gurunNa Isa ri se'reang balla'. Nijoli ngasengi pakke'buka, lanri mallaki ke'nanga ri pamarentana tu Yahudia. Ti'ring nia'mi Isa ammumba, siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

YOHANES 20:21

Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

LUKAS 9:28

Kira-kira sidaminggu le'ba'na Napangngajarrang Isa sikamma anjo passalaka, Naerammi Petrus, Yohanes, siagang Yakobus nai' ri se'reang bulu' untu' appala' doang.

MATIUS 17:1

Annangallo ribokoanganna, Naerammi Isa i Petrus, Yakobus siagang sari'battanna iamintu Yohanes, mange akkale-kale ri se'reang moncong tinggi.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

YESAYA 27:5

Mingka punna nia' musu-musunna ummakKu mae ri Nakke a'boya pa'la'langngang, boli'mi kamma assiama' siagang iNakke, Iyo, assiama' siagang iNakke.”

MARKUS 16:14

Kala'busanna Napappicikammi KalenNa Isa mae ri sampuloa asse're ana' gurunNa, sitabanna angnganre ke'nanga. Napakainga'mi ke'nanga lanri kurang tappa'na ke'nanga, siagang lanri sukkara'na tappa' ke'nanga mae ri tau le'baka anciniki angkanaya le'ba'mi attallasa' poleang Isa.

LUKAS 24:36

Ri wattu a'bicarana ija ke'nanga, ti'ring nia'mi KalenNa Isa ammenteng ri tangnga-tangngana ke'nanga. Nakana Isa ri ke'nanga, “Salama' ngasengko!”

YOHANES 11:16

Nakanamo Tomas, nigallaraka “I Kambara'” mae ri agang-aganna ana' gurunNa Isa, “Umba kimminawang, boli'mi kamma nakisikamateang siagang Ia!”

YOHANES 21:1

Le'baki anjo Napappicinikammi pole KalenNa Isa ri ana'-ana' gurunNa, ri wattunna nia' ana'-ana' gurunNa ri Tamparang Tiberias. Kammaminne kajarianna:

YOHANES 21:14

Iaminjo maka pintallunna Napappicinikang KalenNa Isa mae ri ana'-ana' gurunNa baku' attallasa'namo poleang battu ri kamateanga.

LAMPA-LAMPANA 1:3

Ri le'ba'namo attallasa' poleang battu ri kamateanga, lalanna patampulo alloa, a'mole-molei a'nyata sikali Napappicinikang KalenNa mae ri tunisuroNa, lanri ero'Na Napa'nassa angkanaya ma'nassa attallasa' poleammi battu ri kamateanga. Nicini'mi ri ke'nanga, siagang sipa'bicarami siagang ke'nanga ri passala'na Allata'ala siagang PamarentahanNa.