YOHANES 20:21 - KITTA' MATANGKASA'

²¹ Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 20:21 Referans Kwoze

YOHANES 13:20

Annaba tojengi anne kanangKu: Inai-nai antarimai tau Kusuroa, Inakkemi natarima. Na inai-nai antarimA', natarima tommi anjo assuroa ri Nakke.”

YOHANES 3:17

Nasaba' tena naNasuroi battu Ana'Na Allata'ala untu' anghukkungi anne linoa, passangalinna untu' ampasalamaki.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

MATIUS 10:40

“Inai-nai antarimako, iNakke natarima. Na inai-nai antarimA', natarima tommi ManggeKu assuroA' battu.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

YOHANES 20:19

Ri ia memang anjo allo Minggua, ri wattunna bangngimo, a'rappungammi ana'-ana' gurunNa Isa ri se'reang balla'. Nijoli ngasengi pakke'buka, lanri mallaki ke'nanga ri pamarentana tu Yahudia. Ti'ring nia'mi Isa ammumba, siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

LUKAS 24:36

Ri wattu a'bicarana ija ke'nanga, ti'ring nia'mi KalenNa Isa ammenteng ri tangnga-tangngana ke'nanga. Nakana Isa ri ke'nanga, “Salama' ngasengko!”

YOHANES 20:22

Nampa Natui' ke'nanga na Nakana, “Tarimami RohNa Allata'ala.

YOHANES 20:26

Sidaminggu ribokoanganna, nia'mi pole a'rappungang anjo ana'-ana' gurunNa Isa ri anjo tampaka. Anjo wattua nia' tommi Tomas. Ta'joli ngasengi pakke'buka. Mingka nia'mi battu ammumba Isa siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

3 YOHANES 1:14

Kuminasai angkanaya tenamo nasallo nakilasibuntulu', naki'bicara kalenta.