YOHANES 2:25 - KITTA' MATANGKASA'

²⁵ Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

YOHANES 2:25 Referans Kwoze

YOHANES 13:11

Anjo wattua Naassemmi Isa angkana inai ri ke'nanga lampasikongkolangi KalenNa. Iaminjo saba' na Nakana, “Tangkasa' mako mingka tenapa nutangkasa' ngaseng.”)

MATIUS 9:4

Na anjo nawa-nawanna ke'nanga Naassengi Isa. Jari Nakanamo Isa ri ke'nanga, “Angngapa naja'dala' kamma batenu ngaseng appikkiri'?

YOHANES 6:64

Mingka nia' todong tau ri alla'nu tena natappa'.” (Naasseng memammi Isa battu ri pakkaramulanna angkana inai-nai taeroka tappa', siagang inai langngalle-bokoi.)

YOHANES 6:61

Naassengi Isa angkanaya a'moko'-mokoki ana'-ana' gurunNa lanri anjo passalaka. Jari Nakanamo, “Kasi'rikangko lanri anjo kana-kanangKu?

PAOLE 31:21

siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

1 KARAENG-KARAENG 8:39

poro Kipilangngeri lalang ri suruga tampa' pammantanganTa siagang Kipammopporangi na Kitulung ke'nanga. Poro iKatteji bawang angngassengi bone atinna rupataua. Lanri kammana anjo, Kigaukammi mae ri taua massing-massing situru' panggaukang-panggaukanna,

YESAYA 11:3

Mangngaina iamintu mannurukia ri Batara. Tena naporo naadelinaja bawang taua natanapilajaria rolong, yareka lanri kana-kana napabattua taua.

YOHANES 1:42

Nirurungammi Simon ri Andreas mae ri Isa. Nijanjammi Simon ri Isa, nampa akkuta'nang Isa angkana, “Ikau Simon, ana'na Yona. Lanigallarakko Kefas.” (Kefas sangkammai battuanna siagang Petrus, iamintu: bulu' batu.)

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”