YOHANES 2:2 - KITTA' MATANGKASA'

² Niundang tongi Isa siagang ana'-ana' gurunNa mange anjoreng ri pa'buntinganga.

YOHANES 2:2 Referans Kwoze

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

1 KORINTUS 7:39

Inai-nai baine le'ba' a'bunting, tassikkoki anjo bainea mae ri bura'nenna lalang attallasa'na anjo bura'nenna. Punna matemo anjo bura'nenna, ta'lappasa'mi anjo bainea. Akkullemi a'bunting poleang siagang bura'ne nakaerokia, assala' a'bunting cara tu Karistengi.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

MATIUS 25:45

Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MATIUS 12:19

Tala'geakai siagang talakkio'-kiokai, yareka talappidatoai ri agang-agang lompoa.

PAPPICINI' 3:20

Ciniki! NiakKa' ammenteng ri dallekang pakke'bu' siagang akkatto' pakke'bu'. Punna nia' allangngereki sa'rangKu, nanasungkeangA' pakke'bu', lantamakKa' ambuntuli; lasipangnganreangA' siagang ia, siagang lasipangnganreangi siagang iNakke.

YOHANES 2:3

Ri wattunna la'busu'mo anggoro' lanipattoananga, nakanamo amma'Na Isa ri Isa, “Kala'busangi anggoro' ke'nanga.”

YOHANES 2:12

Le'baki anjo, a'lampami Isa mange ri Kapernaum. Sipa'rurungang ngasengi a'lampa amma'Na, sikamma sari'battanNa, kammayatompa ana'-ana' gurunNa. Ammantammi ke'nanga anjoreng siapa are allonna.

YOHANES 2:17

Nau'rangimi ana'-ana' gurunNa apa niaka tattulisi' lalang ri Kittaka angkanaya, “O Allata'ala, ia pangngaiKu ri BallatTa, sanrapangi pepe' akkanrea ri atingKu.”

YOHANES 2:22

Jari ri boko sallang, ri wattunna attallasa' poleang Isa battu ri kamateanga, nau'rangimi ana'-ana' gurunNa Isa, angkanaya anjo passalaka le'ba' memammi Napau. Jari tappa'mi ke'nanga ri apa niaka tattulisi' lalang ri Kittaka, siagang ri apa le'baka Napau Isa.

YOHANES 3:22

Le'baki anjo, a'lampami Isa siagang ana'-ana' gurunNa mange ri Yudea. Ammantammi siagang ke'nanga siapa are sallona, siagang anje'ne'mi tau.

YOHANES 4:2

Sikontutojenna teai KalenNa Isa anje'neki taua passangalinna ana'-ana' gurunNaji bawang.)

YOHANES 4:33

Massing sikuta'nammi ana'-ana' gurunNa Isa angkana, “Apa nia' tau le'ba' ampangngerangangi kanre?”

YOHANES 6:8

Nakanamo ana' gurunNa Isa maraenga, iamintu Andreas, sari'battanna Simon Petrus,

YOHANES 6:12

Le'ba'na ngasemmo ke'nanga angnganre sa'genna bassoro', Nakanamo Isa ri ana'-ana' gurunNa, “Passe're ngasengi anjo kanre alla'bia, natea niakki tappela'-pela'.”

YOHANES 6:16

Ri wattunna a'birimmo bangngi, naummi ana'-ana' gurunNa Isa ri tamparanga.

YOHANES 6:60

Nalangngere'namo anjo kana-kana Napabattua Isa, jaimi ana' gurunNa angkana, “Battala' sikali anne pangngajaranga. Inaimi lakkulle antarimai?”

YOHANES 6:66

Pakkaramula anjo wattua jaimi ana'-ana' gurunNa a'lampa ambokoi, siagang taerokami pole amminawang ri Ia.

YOHANES 6:67

Jari akkuta'nammi Isa ri sampuloa anrua ana' gurunNa Nakana, “Ero' ngaseng tongko a'lampa ambokoiA'?”

YOHANES 6:70

Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

YOHANES 6:71

Anjo natabaya kananNa Isa, iamintu Yudas ana'na Simon Iskariot. Nasaba' manna kalase'renna tongi ri anjo sampuloa anrua ana' gurunNa Isa anjo Yudas, mingka iami langngalle bokoi Isa.

YOHANES 7:3

Jari nakana ngasemmo sari'battanNa Isa ri Ia, “Bokoimi anne tampaka siagang a'lampa maKo mange ri daera Yudea, sollanna akkulle todong nacini' ana'-ana' gurunNu apa-apa Nugaukanga.

LAMPA-LAMPANA 11:26

Ri wattunna sibuntulu'mo Saulus, naerang tommi Saulus mange ri Antiokhia. Niaki sitaung ke'nanga ammantang a'rappungang siagang jama'aka anjoreng, najai tau naajara' ke'nanga. Anjoremmi ri Antiokhia uru-uru nigallara' tu Karisteng sikamma tau tappaka ri Isa.

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.